തിരുവനന്തപുരം: വയനാട് പൂക്കോട് വെറ്ററിനറി സർവകലാശാല വിദ്യാർഥി സിദ്ധാർഥന്റെ മരണത്തിൽ പങ്കുണ്ടെന്ന് ആരോപിക്കപ്പെട്ട വിദ്യാർഥിയുടെ അമ്മയുടെ സ്വകാര്യ പ്രാക്ടീസ് കേന്ദ്രത്തിനു നേരെ യൂത്ത് കോൺഗ്രസ് പ്രതിഷേധം. ഡോക്ടറായി പ്രാക്ടീസ് ചെയ്യുന്ന വിദ്യാർഥിയുടെ അമ്മ ഡോ. ബിന്ദു സുന്ദറിന്റെ ക്ലിനിക്കിന് നേരെ യൂത്ത് കോൺഗ്രസ് പ്രവർത്തകർ പ്രതിഷേധിക്കുകയായിരുന്നു.
നെടുമങ്ങാട്‌ ജില്ലാ ആശുപത്രിയിലെ ഡോ.ബിന്ദു സുന്ദർ ഇവിടെയാണ് സ്വകാര്യ പരിശോധന നടത്തുന്നത്. ഡോക്ടറുടെ മകൻ കേസിലെ പ്രതിയാണെന്നാരോപിച്ചായിരുന്നു യൂത്ത് കോൺഗ്രസ് പ്രവർത്തകർ ഡോക്ടറുടെ നെയിം ബോർഡ്‌ അടക്കം നശിപ്പിച്ചത്. പ്രാക്ടീസ് റൂമിലേക്കു കയറി മുറിയിലെ സാധനങ്ങൾ റോഡിലേക്ക് വലിച്ചെറിയുകയായിരുന്നുവെന്നും ആരോപണം ഉയർന്നു. സംഭവത്തിൽ പൊലീസ് അന്വേഷണം നടക്കുന്നുണ്ട്.
Youth congress activists attacks Sidhardhan’s death accused Mother’s clinic
