ഡെറാഡൂണ്: ഉത്തരാഖണ്ഡിലെ രുദ്രപ്രയാഗ് ജില്ലയിലെ അളകനന്ദ നദിയിലേക്ക് ബസ് മറിഞ്ഞ് 11 പേരെ കാണാതായി. ഒരാളുടെ മൃതദേഹം കണ്ടെത്തിയിട്ടുണ്ട്. 18 യാത്രക്കാരുമായി സഞ്ചരിച്ച ബസ് നിയന്ത്രണം തെറ്റി താഴ്വാരത്തേക്ക് മറിഞ്ഞ് നദിയിലേക്ക് വീഴുകയായിരുന്നു. ആറുപേരെ രക്ഷപെടുത്തിയതായാണ് വിവരം. ഇവരെ ആശുപത്രികളിലേക്ക് മാറ്റി. പൊലീസും ദുരന്ത നിവാരണ സംഘങ്ങളും സ്ഥലത്തെത്തി രക്ഷാപ്രവര്ത്തനം ആരംഭിച്ചു.
