ബംഗളൂരു: കര്‍ണാടകയില്‍ അതിദാരുണമായ വാഹനാപകടത്തില്‍ 10 പേര്‍ മരിച്ചു. കര്‍ണാടകയിലെ യെല്ലാപുരയില്‍ നിയന്ത്രണം വിട്ട പച്ചക്കറിലോറി മറിഞ്ഞാണ് അപകടമുണ്ടായത്. അപകട സമയത്ത് ലോറിയില്‍ 25 പേരുണ്ടായിരുന്നു. ബാക്കിയുള്ള 15 പേര്‍ക്കും പരുക്കേറ്റിട്ടുണ്ട്. ഇവരെ വിവിധ ആശുപത്രികളില്‍ പ്രവേശിപ്പിച്ചു. ഇന്ന് രാവിലെയാണ് അപകടം നടന്നത്.
#WATCH | Karnataka | 10 died and 15 injured after a truck carrying them met with an accident early morning today. All of them were travelling to Kumta market from Savanur to sell vegetables: SP Narayana M, Karwar, Uttara Kannada
— ANI (@ANI) January 22, 2025
(Visuals from the spot) https://t.co/hJQ84aljHw pic.twitter.com/dVtNEKQna7
മരിച്ചവരെല്ലാം പഴക്കച്ചവടക്കാരായിരുന്നു. സവനൂരില്‍ നിന്ന് പുറപ്പെട്ട ഇവര്‍ യെല്ലാപുര മേളയില്‍ തങ്ങളുടെ ഉല്‍പ്പന്നങ്ങള്‍ വില്‍ക്കാന്‍ പോകുകയായിരുന്നുവെന്നും റിപ്പോര്‍ട്ടുണ്ട്. സവനൂര്‍-ഹുബ്ബള്ളി റോഡിലൂടെ സഞ്ചരിക്കുമ്പോള്‍ ഒരു വനപ്രദേശത്താണ് അപകടം നടന്നത്. ട്രക്ക് 50 മീറ്റര്‍ ആഴമുള്ള താഴ്വരയിലേക്ക് മറിഞ്ഞതായി ഉത്തര കന്നഡ പൊലീസ് സൂപ്രണ്ട് എം നാരായണ പറഞ്ഞു.
