പ്രധാനമന്ത്രിയുടെ പ്രത്യേക സംരക്ഷണ സേനാംഗമായ മലയാളി രാജസ്ഥാനിലെ വാഹനാപകടത്തിൽ മരിച്ചു

കാസർകോട് : പ്രധാനമന്ത്രി നരേന്ദ്രമോദിയുടെ പ്രത്യേക സംരക്ഷണ സേനാംഗം (S P G) ഷിൻസ് മോൻ തലച്ചിറ (45) രാജസ്ഥാനിലുണ്ടായ വാഹനാപകടത്തിൽ മരിച്ചു. കാസർകോട് ചിറ്റാരിക്കാൽ മണ്ഡപത്തെ തലച്ചിറ മാണിക്കുട്ടിയുടെയും ഗ്രേസി കുട്ടിയുടെയും മകനാണ് ഷിൻസ് മോൻ. 23 വർഷമായി എസ്‌ പി ജിയിൽ സേവനമനുഷ്ഠിക്കുകയായിരുന്നു.

ഭാര്യ: ജെസ്മി (നേഴ്സ് ഉദയഗിരി കണ്ണൂർ ജില്ല). മക്കൾ : ഫിയോണ, ഫെബിൻ. മൃതദേഹം വെള്ളിയാഴ്ച നാട്ടിലെത്തിക്കും.