വാഷിംഗ്ടൺ ഡിസിഛ വാഷിംഗ്ടൺ ഡിസിയിൽ സ്ഥിതിചെയ്യുന്ന വൈറ്റ് ഹൗസിന് സമീപം രണ്ട് വെസ്റ്റ് വിർജീനിയ നാഷണൽ ഗാർഡ് അംഗങ്ങളെ വെടിവച്ചതിന് അറസ്റ്റിലായ 29 കാരനായ അഫ്ഗാൻ പൗരൻ യുഎസ് സൈന്യത്തോടൊപ്പം ഒരു സൈനികനായി സേവനമനുഷ്ഠിച്ചിരുന്നുവെന്ന് റിപ്പോർട്ട്.
മുൻ അഫ്ഗാൻ റിപ്പബ്ലിക്കിന്റെ കാലത്ത് റഹ്മാനുള്ള ലകൻവാൾ 01 യൂണിറ്റിൽ സേവനമനുഷ്ഠിച്ചിരുന്നു . ഇത് യുഎസ് ഇന്റലിജൻസ് സ്ഥാപിക്കുകയും പരിശീലനം നൽകുകയും സജ്ജീകരിക്കുകയും ചെയ്ത ഒരു യൂണിറ്റാണെന്ന് അഫ്ഗാൻ താലിബാൻ സർക്കാരിന്റെ വൃത്തങ്ങൾ പറഞ്ഞതായി റിപ്പോർട്ടുണ്ട്. മാത്രമല്ല ഈ യൂണിറ്റിലെ നിരവധി അംഗങ്ങൾ നിലവിൽ മാനസിക പ്രശ്‌നങ്ങൾ നേരിടുന്നുണ്ടെന്നും ഇത് ചിലപ്പോൾ ആത്മഹത്യക്കൊ മറ്റുള്ളവർക്കെതിരായ ആക്രമണങ്ങൾക്കോ കാരണമായിട്ടുണ്ടെന്നും അവർ പറയുന്നു.
റിപ്പോർട്ട് അനുസരിച്ച്, ഓപ്പറേഷൻ അലീസ് വെൽക്കത്തിന്റെ ഭാഗമായാണ് ലകൻവാൾ അമേരിക്കയിൽ പ്രവേശിച്ചത്. 2021 ഓഗസ്റ്റിൽ താലിബാൻ അഫ്ഗാനിസ്ഥാനിൽ വീണ്ടും അധികാരം പിടിച്ചെടുത്തതിനെ തുടർന്നാണ് ബൈഡൻ ഭരണകൂടം ‘ഓപ്പറേഷൻ അലീസ് വെൽക്കം’ എന്ന പ്രത്യേക പദ്ധതി നടപ്പിലാക്കിയത്. ദുർബലരായ ചില അഫ്ഗാൻ പൗരന്മാർക്ക് രണ്ട് വർഷത്തെ പരോൾ ഗ്രാന്റിൽ അമേരിക്കയിൽ പ്രവേശിക്കാൻ ഇത് അനുവദിച്ചു, എന്നാൽ ഇത് ഒരു തരത്തിലുള്ള സ്ഥിരമായ കുടിയേറ്റ പദവിയും നൽകിയില്ല. പകരം, അഭയം പോലുള്ള രാജ്യത്ത് തുടരുന്നതിന് മറ്റ് മാർഗങ്ങൾക്കായി അഫ്ഗാനികൾ അപേക്ഷിക്കണമെന്ന നിബന്ധനയും വെച്ചിരുന്നു. ‘ഓപ്പറേഷൻ അലീസ് വെൽക്കം’ പദ്ധതിയിലൂടെ ഏകദേശം 76,000 ആളുകളെ യുഎസിലേക്ക് കൊണ്ടുവന്നു, അവരിൽ പലരും യുഎസ് സൈനികരോടും നയതന്ത്രജ്ഞരോടും ഒപ്പം വിവർത്തകരായും മറ്റും പ്രവർത്തിച്ചിരുന്നു. യുണൈറ്റഡ് സ്റ്റേറ്റ്സിൽ എത്തിയ ശേഷം ലകൻവാൾ വാഷിംഗ്ടൺ സ്റ്റേറ്റിലെ ബെല്ലിംഗ്ഹാമിലാണ് താമസിച്ചതെന്ന് നിയമപാലകരും അന്വേഷണവുമായി ബന്ധമുള്ള ആളുകളും പറഞ്ഞതായി എൻ‌ബി‌സി, ദി വാഷിംഗ്ടൺ പോസ്റ്റ് എന്നിവയുൾപ്പെടെ റിപ്പോർട്ട് ചെയ്തു.,
നാഷണൽ ഗാർഡ് അംഗങ്ങളെ ആക്രമിച്ചതിന് ശേഷം ഉദ്യോഗസ്ഥർ കീഴ്പ്പെടുത്തിയ ലകൻവാളിനെ നാല് തവണ വെടിയേറ്റതായും ആംബുലൻസിൽ ഏതാണ്ട് നഗ്നനായി വലിച്ചിഴച്ചുകയറ്റുകയായിരുന്നുവെന്നും റിപ്പോർട്ടുണ്ട്. ഇയാൾ ഒറ്റയ്ക്കാണ് പ്രവർത്തിച്ചതെന്നും ആക്രമണത്തിന്റെ കാരണം വെളിപ്പെടുത്തിയിട്ടില്ലെന്നും പൊലീസ് പറഞ്ഞു. ഫെഡറൽ നിയമ നിർവ്വഹണ ഉദ്യോഗസ്ഥർക്കെതിരായ ആക്രമണമാണിതെന്നും അതിനാൽ കേസ് ഫെഡറൽ തലത്തിൽ തന്നെ പരിഗണിക്കുമെന്നും എഫ്ബിഐ ഡയറക്ടർ കാഷ് പട്ടേൽ പറഞ്ഞു..
Afghan national who opened fire near White House served as soldier alongside US Army, report says.
