പത്തനംതിട്ട: സംസ്ഥാന സര്ക്കാര് ദേവസ്വം ബോര്ഡിന്റെ സഹകരണത്തോട നടത്തുന്ന ആഗോള അയ്യപ്പ സംഗമത്തിന് ബദലായി പന്തളത്ത് വിശ്വാസ സംഗമം സംഘടിപ്പിക്കും. ശബരിമല കര്മ്മ സമിതിയും ഹിന്ദു ഐക്യവേദിയും പന്തളം കൊട്ടാരവും സംയുക്തമായാണ് വിശ്വാസ സംഗമം നടത്തുന്നത്. ഈ മാസം 22നാണ് വിശ്വാസ സംഗമം സംഘടിപ്പിക്കുക.
അതേസമയം, സംസ്ഥാന സര്ക്കാര് നടത്തുന്ന ആഗോള അയ്യപ്പ സംഗമം രാഷ്ട്രീയ കാപട്യമാണെന്ന് പ്രതിപക്ഷ നേതാവ് വി.ഡി.സതീശന് ആരോപിച്ചു. ദേവസ്വം ബോര്ഡിനെ മുന്നില്നിര്ത്തിയാണ് സര്ക്കാര് ഈ കാപട്യത്തിന് മുതിര്ന്നതെന്നും രാഷ്ട്രീയ മുതലെടുപ്പിനു വേണ്ടിയുള്ള കപട അയ്യപ്പ സ്നേഹമാണ് ഇതിനു പിന്നിലെന്നും അദ്ദേഹം കുറ്റപ്പെടുത്തി. ശബരിമലയെ ഏറ്റവും സങ്കീര്ണമായ അവസ്ഥയില് എത്തിച്ച രാഷ്ട്രീയ പ്രസ്ഥാനമാണ് സിപിഎമ്മും എല്ഡിഎഫുമെന്നും സുപ്രീംകോടതിയില് യുഡിഎഫ് സര്ക്കാര് കൊടുത്ത സത്യവാങ്മൂലം തിരുത്തിയാണ് ആചാരലംഘനം നടത്താന് ഇടതു സര്ക്കാര് കൂട്ടുനിന്നതെന്നും അദ്ദേഹം ചൂണ്ടിക്കാട്ടി.
