തിരുവനന്തപുരം കല്ലറ തെങ്ങുംകോട് സ്വദേശിനി സരസമ്മ (85) അമീബിക് മസ്തിഷ്കജ്വരം ബാധിച്ച് മരിച്ചു. 17 ദിവസമായി മെഡിക്കൽ കോളജ് ആശുപത്രിയിൽ ചികിത്സയിലായിരുന്ന ഇവർക്ക് രോഗം സ്ഥിരീകരിച്ചത് ചികിത്സയ്ക്കിടെയാണ്. തുടർച്ചയായി രണ്ടാം ദിവസമാണ് തിരുവനന്തപുരത്ത് ഈ രോഗം മൂലം മരണം സംഭവിക്കുന്നത്; ഇന്നലെ ചിറയിൻകീഴ് സ്വദേശി വസന്ത മരിച്ചിരുന്നു.
സംസ്ഥാനത്ത് ഈ മാസം മാത്രം 62 പേർക്ക് രോഗബാധയുണ്ടായി, 11 പേർ മരിച്ചു. ഈ വർഷം ഇതുവരെ 32 മരണങ്ങൾ റിപ്പോർട്ട് ചെയ്തു. പല കേസുകളിലും രോഗബാധയുടെ ഉറവിടം കണ്ടെത്താനാകാത്തത് ആശങ്ക വർധിപ്പിക്കുന്നു.
