തിരുവനന്തപുരം: സംസ്ഥാനത്ത് വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു. ചാവക്കാട് സ്വദേശിയായ 59 വയസ്സുകാരനാണ് രോഗം സ്ഥിരീകരിച്ചത്. നിലവിൽ ഇയാൾ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. കോഴിക്കോട് മെഡിക്കൽ കോളേജ് ആശുപത്രിയിൽ നിലവിൽ 12 പേരാണ് അമീബിക് മസ്തിഷ്ക ജ്വരം ബാധിച്ച് ചികിത്സയിലുള്ളത്.
അതേസമയം, സംസ്ഥാനത്ത് ഈ വര്ഷം ഇതുവരെ അമീബിക് മസ്തിഷ്ക ജ്വരം ബാധിച്ച് പതിനേഴുപേർ മരിച്ചു. ഈ മാസം മാത്രം ഏഴ് പേർ മരണത്തിന് കീഴടങ്ങി. ഇതുവരെ 66 പേര്ക്ക് രോഗം ബാധിച്ചുവെന്നും ആരോഗ്യവകുപ്പ് കഴിഞ്ഞ ദിവസം വ്യക്തമാക്കി. കെട്ടിക്കിടക്കുന്ന വെളളത്തില് മുങ്ങിക്കുളിക്കുന്നവരില് അപൂര്വമായി ഉണ്ടാകുന്ന, 90 ശതമാനത്തിലധികം മരണനിരക്കുളള രോഗബാധയാണ് അമീബിക് മസ്തിഷ്കജ്വരം.
