കാൻബറ: അധികാരത്തിലിരിക്കെ വിവാഹിതനാകുന്ന ആദ്യ ഓസ്ട്രേലിയൻ പ്രധാനമന്ത്രിയായി ആന്റണി ആൽബനിസ്. ശനിയാഴ്ച കാൻബറയിലെ ദി ലോജിൽ വെച്ച് നടന്ന സ്വകാര്യ ചടങ്ങിലാണ് ആൽബനിസ് തന്റെ പങ്കാളിയായ ജോഡി ഹെയ്‌ഡണെ വിവാഹം കഴിച്ചത്. ചടങ്ങിൽ അടുത്ത സുഹൃത്തുക്കളും കുടുംബാംഗങ്ങളും ഏതാനും മന്ത്രിമാരും മാത്രമാണ് പങ്കെടുത്തത്. സുരക്ഷാ കാരണങ്ങളാൽ വിവാഹ തീയതിയും സ്ഥലവും ഉൾപ്പെടെ രഹസ്യമായിരുന്നു.
ആൽബനീസിന്റെ വളർത്തുനായ ടോട്ടോ ആയിരുന്നു വിവാഹ മോതിരം വരന് നൽകിയത്. 62 വയസ്സുള്ള അൽബനീസും 45 വയസ്സുള്ള ജോഡിയും അഞ്ച് വർഷമായി പ്രണയത്തിലായിരുന്നു. 2020 മാർച്ചിൽ മെൽബണിൽ നടന്ന ഒരു അത്താഴവിരുന്നിൽ വെച്ചാണ് ഇരുവരും കണ്ടുമുട്ടിയതെങ്കിലും കഴിഞ്ഞ വർഷം വാലന്റൈൻസ് ദിനത്തിലാണ് ആൽബനീസ് വിവാഹാഭ്യാർഥന നടത്തിയത്. 2022 ലും 2025 ലും ഓസ്ട്രേലിയൻ ഫെഡറൽ തെരഞ്ഞെടുപ്പ് പ്രചാരണ വേളയിൽ ഹെയ്‌ഡൻ ആൽബനീസിനൊപ്പം ഉണ്ടായിരുന്നു. 2019 ലാണ് അൽബനീസ് തന്റെ ആദ്യ ഭാര്യയായ കാർമൽ ടെബട്ടിൽ നിന്ന് വേർപിരിഞ്ഞത്.
ആൽബനീസിൻ്റെ പങ്കാളിയായ ജോഡി 20 വർഷക്കാലമായി ബാങ്കിംഗ്, ധനകാര്യ കമ്പനികളിലായി പ്രൊഫഷണലാണ്. എൻഎസ്ഡബ്ല്യുവിൽ പബ്ലിക് സർവീസ് അസോസിയേഷന്റെ യൂണിയൻ പ്രതിനിധിയായിരുന്ന ശേഷം വനിതാ ഓഫീസറായി നിയമിതയായ ജോഡി സിഡ്‌നിയിലെ സ്കൂൾ-അധ്യാപക മാതാപിതാക്കൾക്ക് ജനിച്ചെങ്കിലും സെൻട്രൽ കോസ്റ്റിലാണ് വളർന്നത്. നിലവിൽ, അവർ ടീച്ചേഴ്‌സ് മ്യൂച്വൽ ബാങ്കിലെ സ്ട്രാറ്റജിക് ഹെഡ് ആയി പ്രവർത്തിക്കുകയാണ്.
Anthony Albanese becomes first Australian PM to marry while in office, wedding ring given by elder
