കേരളത്തിന് വീണ്ടും നിരാശ. മെസ്സിയും അര്ജന്റീന ടീമും നവംബറില് കേരളത്തിലേക്ക് എത്തില്ലെന്നും ഫിഫ അനുമതി ലഭിക്കാത്തതാണ് കാരണമെന്നും സ്പോണ്സർമാരിൽ ഒരാളായ ആന്റോ അഗസ്റ്റിന് സമൂഹമാധ്യമത്തിലൂടെ അറിയിച്ചു. അംഗോളയില് മാത്രം കളിക്കുമെന്ന അര്ജന്റീന ഫുട്ബോള് അസോസിയേഷന് പ്രഖ്യാപനത്തിന് പിന്നാലെയാണ് സ്ഥിരീകരണം വന്നിരിക്കുന്നത്.
വിഷയത്തില് കേരളത്തെ പഴിക്കുകയാണ് എഎഫ്എ ഭാരവാഹികള്. കേരളം മത്സരത്തിന് സജ്ജം അല്ലെന്ന് എഎഫ്എ ഭാരവാഹികളെ ഉദ്ധരിച്ച് അര്ജന്റീനയിലെ മാധ്യമങ്ങള് റിപ്പോര്ട്ട് ചെയ്യുന്നു. നിശ്ചിത സമയത്ത് ക്രമീകരണങ്ങള് പൂര്ത്തിയാക്കിയില്ലെന്നും റിപ്പോര്ട്ടുണ്ട്.
നവംബര് 17ന് അര്ജന്റീന കൊച്ചിയില് കളിക്കും എന്നായിരുന്നു സര്ക്കാരും സ്പോണ്സറും നേരത്തെ പറഞ്ഞത്. അര്ജന്റീനയുടെ എതിരാളികളാകാന് പരിഗണിച്ച ഓസ്ട്രേലിയയും കേരളത്തിലേക്കില്ലെന്ന് സ്ഥിരീകരിച്ചിട്ടുണ്ട്.
Argentina team postponed Kerala visit ; Sponsor confirms no FIFA permission
