ബോളിവുഡ് ഗായകൻ സുബീൻ ഗാർഗിന്റെ മരണം കൊലപാതകമെന്ന് അസം നിയമസഭയുടെ ശൈത്യകാല സമ്മേളനത്തിൽ മുഖ്യമന്ത്രി ഹിമന്ത ബിശ്വ ശർമ വ്യക്തമാക്കി. അസമിൽ പ്രതിപക്ഷം സുബീൻ ഗാർഗിന്റെ മരണവുമായി ബന്ധപ്പെട്ട് അടിയന്തര പ്രമേയം വേണമെന്നും ചർച്ച വേണമെന്നും ആവശ്യപ്പെട്ടിരുന്നു. ഈ പ്രമേയത്തിന് അനുമതി നൽകികൊണ്ട് സംസാരിക്കവെയാണ് മുഖ്യമന്ത്രി ഹിമന്ത ബിശ്വ ശർമ ഈ ഒരു വെളിപ്പെടുത്തൽ നടത്തിയിരിക്കുന്നത്.
അതേസമയം, സുബീന്റെ മരണത്തിൽ സിബിഐ അന്വേഷണം വേണമെന്ന പ്രതിപക്ഷ ആവശ്യം മുഖ്യമന്ത്രി തള്ളി. നിലവിലെ SIT അന്വേഷണത്തിൽ പൂർണ വിശ്വാസം എന്നും ഹിമന്ത ബിശ്വ ശർമ പ്രതികരിച്ചു. സംഘാടകരായ ശ്യാംകാനു മഹന്ത, മാനേജർ സിദ്ധാർഥ് ശർമ, അമൃത്പ്രവ മഹന്ത, ശേഖർ ജ്യോതി ഗോസ്വാമി എന്നിവർ പൊലീസ് കസ്റ്റഡിയിലാണ്. 256 സാക്ഷി മൊഴികളാണ് കേസിൽ എസ്ഐടി ശേഖരിച്ചിരിക്കുന്നത്.
Assam CM calls Bollywood singer Zubeen Garg’s death a murder
