കഴിഞ്ഞ ദിവസം സോഷ്യല്‍മീഡിയയുടെ ശ്രദ്ധ ആകര്‍ഷിച്ച ഒരു വീഡിയോയായിരുന്നു കൊച്ചുകുട്ടി പാമ്പുമായി കളിക്കുന്നത്. വിഷ പാമ്പിനെ കുട്ടി കൈകൊണ്ട് പിടിക്കുന്നതും പാമ്പ് കുട്ടിയുടെ കഴുത്തിലൂടെയും ശരീരത്തിലൂടെയും ഇഴഞ്ഞ് നീങ്ങുന്നതുമായ വീഡിയോ സോഷ്യല്‍ മീഡിയ ഉപയോക്താക്കളെ ഞെട്ടിക്കുകയും രോഷം കൊള്ളിക്കുകയും ചെയ്തു.
ഇന്‍സ്റ്റാഗ്രാമില്‍ പങ്കുവെച്ച ദൃശ്യങ്ങളില്‍, പാമ്പ് കടിയേറ്റാല്‍ ഉണ്ടാകുന്ന അപകടത്തെക്കുറിച്ച് ഒട്ടും അറിയാതെയാണ് പാമ്പിനെ പിടിക്കുന്നത്. അവന്‍ ഒരു കളിപ്പാട്ടം പോലെ അതിനൊപ്പം കളിക്കാന്‍ കൈനീട്ടുന്നു. പാമ്പ് ചുറ്റും നീങ്ങുമ്പോഴും, കുട്ടി അതിനൊപ്പം കളിക്കുന്നത് തുടരുന്നു. എന്നാല്‍, ഇതിലെ ഞെട്ടിപ്പിക്കുന്ന കാര്യം എന്താണെന്നുവെച്ചാല്‍ വീഡിയോ ചിത്രീകരിച്ച വ്യക്തി, ഒരുപക്ഷേ ഒരു മുതിര്‍ന്നയാള്‍ തന്നെയാകാം എന്നതാണ്. പാമ്പില്‍ നിന്നും കുഞ്ഞിന് അപകടമുണ്ടാകാതെ ശ്രദ്ധിക്കുന്നതിനു പകരം വീഡിയോ പകര്‍ത്തുന്നത് തുടരുന്നുമുണ്ട്.
കുട്ടിക്കൊപ്പം കസേരയിലാണ് പാമ്പും ഉള്ളത്. പാമ്പിന്റെ തലയില്‍ പിടിച്ച് വലിക്കുകയും ശരീരത്തിലൂടെ ഇഴയുന്ന പാമ്പിനെ എടുക്കുകയും ചെയ്യുന്നുണ്ട് കുട്ടി. എന്നാല്‍ പാമ്പ് നാവ് പുറത്തേക്ക് ഇടുന്നത് ശ്രദ്ധയില്‍പ്പെട്ടയുടനെ, കുട്ടി ഞെട്ടുകയും അതിനെ തന്റെ കസേരയില്‍ നിന്നും തള്ളിയിടാന്‍ ശ്രമിക്കുകയും ചെയ്യുന്നതും ദൃശ്യങ്ങളില്‍ കാണാം.
വീഡിയോയുടെ അവസാനം, സമീപത്തുള്ള ഒരാള്‍ ഇടപെട്ട് പാമ്പിനെ സുരക്ഷിതമായി നീക്കം ചെയ്യുന്നുണ്ട്.
@vivek_choudhary_nsake_saver എന്ന ഉപയോക്താവ് ഇന്‍സ്റ്റാഗ്രാമില്‍ പങ്കിട്ട വീഡിയോ കണ്ട ചിലര്‍ കുട്ടിയുടെ ധൈര്യത്തെക്കുറിച്ച് സംസാരിച്ചു. എന്നാല്‍ മറ്റുള്ളവര്‍ ക്യാമറയ്ക്ക് പിന്നിലുള്ള വ്യക്തിയെ കുട്ടിയെ അപകടത്തിലാക്കാന്‍ ശ്രമിച്ചതിന് രൂക്ഷമായി വിമര്‍ശിച്ചു. ‘കുട്ടികളെ അപകടത്തിലാക്കുന്ന തരത്തിലേക്ക് ഇത്തരം കാര്യങ്ങള്‍ പോകരുതെന്നും കുട്ടിയെ പരിപാലിക്കുക, സഹോദരാ. ലൈക്കുകള്‍ക്ക് വേണ്ടി മാത്രം ഇങ്ങനെ ചെയ്താല്‍ ഭയാനകമായ എന്തെങ്കിലും സംഭവിക്കാം!’ എന്നും ഒരു ഉപയോക്താവ് എഴുതി. ‘നിനക്ക് ഭ്രാന്താണോ? ഒരു കുട്ടിയെ പാമ്പിനൊപ്പം കളിക്കാന്‍ നിങ്ങള്‍ അനുവദിക്കുകയാണോ!’ മറ്റൊരാള്‍ ചോദിച്ചു. ലൈക്കുകള്‍ക്കുവേണ്ടി നിങ്ങള്‍ കുട്ടികളുടെ ജീവിതം വെച്ചു കളിക്കുകയാണ് എന്ന് മറ്റൊരു ഉപയോക്താവ് പറഞ്ഞു. ഈ വീഡിയോ ക്ലിപ്പ് 12 ദശലക്ഷത്തിലധികം വ്യൂകള്‍ നേടിയെന്നതും ശ്രദ്ധേയം.
