തിരുവനന്തപുരം കോർപറേഷൻ തെരഞ്ഞെടുപ്പിൽ സീറ്റ് നിഷേധിച്ചതിൽ മനംനൊന്ത് ബിജെപി പ്രവർത്തകൻ ആത്മഹത്യ ചെയ്തു

തിരുവനന്തപുരം: കോർപറേഷൻ തെരഞ്ഞെടുപ്പിൽ തൃക്കണാപുരം വാർഡിൽ സ്ഥാനാർഥി പരിഗണനയിൽ തഴയപ്പെട്ടതിൽ മനംനൊന്ത് ബിജെപി പ്രവർത്തകൻ ആനന്ദ് കെ. തമ്പി ആത്മഹത്യ ചെയ്തു. പാർട്ടി സ്ഥാനാർഥി പട്ടികയിൽ തന്റെ പേര് ഉൾപ്പെടുത്താത്തതിനെത്തുടർന്ന് സ്വതന്ത്രനായി മത്സരിക്കാൻ തീരുമാനിച്ചിരുന്ന ആനന്ദ്, മാധ്യമപ്രവർത്തകർക്ക് വാട്സാപ്പിലൂടെ ആത്മഹത്യാക്കുറിപ്പ് അയച്ചശേഷമാണ് ജീവനൊടുക്കിയത്. ബിജെപി നേതൃത്വം അനൗദ്യോഗികമായി സ്ഥിരീകരിച്ചത്, ആനന്ദിന്റെ പേര് സ്ഥാനാർഥി പട്ടികയിലേ ഇല്ലായിരുന്നുവെന്നാണ്.

തൃക്കണാപുരം വാർഡിൽ നിലവിലെ ബിജെപി സ്ഥാനാർഥി വി. വിനോദ് കുമാറാണെന്ന് പാർട്ടി വ്യക്തമാക്കി. സീറ്റ് ലഭിക്കാത്തതിന്റെ നിരാശയാണ് ആത്മഹത്യയ്ക്ക് കാരണമെന്ന് സമീപവൃത്തങ്ങൾ സൂചിപ്പിക്കുന്നു. സംഭവം ബിജെപി പ്രാദേശിക നേതൃത്വത്തിനിടയിൽ ആശങ്ക സൃഷ്ടിച്ചു.