ശ്രീനഗര്‍: ജമ്മു കശ്മീരിലെ പുഞ്ചിൽ നിയന്ത്രണ രേഖയോട് ചേർന്ന് ഉണ്ടായ സ്ഫോടനത്തിൽ ഒരു ജവാന് വീരമൃത്യു. അഗ്നിവീർ ലളിത് കുമാർ ആണ് വീരമൃത്യു വരിച്ചത്. സംഭവത്തിൽ രണ്ട് പേർക്ക് പരിക്കേൽക്കുകയും ചെയ്തു. ഇന്ന് രാവിലെ കൃഷ്ണ ഘാട്ടി ബ്രിഗേഡ് പ്രദേശത്തെ പട്രോളിങ്ങിനിടെയാണ് കുഴിബോംബ് പൊട്ടിത്തെറിച്ചായിരുന്നു സ്ഫോടനം ഉണ്ടായത്.
പട്രോളിങ്ങിന്റെ ഭാഗമായി സുരക്ഷ പരിശോധന നടത്തുന്നതിന് നിയന്ത്രണ രേഖയ്ക്ക് അടുത്തെത്തിയതായിരുന്നു ജവാന്മാർ. അപ്പോൾ അവിടെ സ്ഥാപിച്ചിരുന്ന കുഴിബോംബ് പൊട്ടിത്തെറിക്കുകയായിരുന്നു. ഗുരുതരമായി പരിക്കേറ്റ ജവാന്മാരെ മിലിട്ടറി ഹോസ്പിറ്റലിൽ പ്രവേശിപ്പിച്ചു. മേഖലയിൽ കഴിഞ്ഞ കുറച്ചു ദിവസങ്ങളായി സുരക്ഷ ശക്തമാക്കിയിരുന്നു.
