ലോകകപ്പ് യോഗ്യതാ പോരാട്ടത്തില്‍ പരാഗ്വേയ്‌ക്കെതിരെ നിര്‍ണായക വിജയം നേടി 2026 ഫിഫ ലോകകപ്പ് യോഗ്യത ഉറപ്പിച്ച് ബ്രസീല്‍. ഏകപക്ഷീയമായ ഒരു ഗോളിനാണ് ബ്രസീലിന്റെ വിജയം. വിനീഷ്യസ് ജൂനിയറാണ് ആദ്യപകുതി അവസാനിക്കാന്‍ നിമിഷങ്ങള്‍ മാത്രം ബാക്കിനില്‍ക്കെ ബ്രസീലിന്റെ വിജയ ഗോള്‍ നേടിയത്. മാത്യൂസ് കുഞ്ഞ്യയുടെ 44-ാം മിനിറ്റിലെ അവിശ്വസനീയമായ അസിസ്റ്റാണ് ഗോളിന് വഴിയൊരുക്കിയത്
ആദ്യ മത്സരത്തില്‍ ഇക്വഡോറിനോട് ഗോള്‍രഹിത സമനില വഴങ്ങിയ ബ്രസീലിന് പരാഗ്വേയ്‌ക്കെതിരെ വിജയം അനിവാര്യമായിരുന്നു. ഇതോടെ യോഗ്യതാ മത്സരങ്ങളില്‍ 25 പോയന്റുമായി ബ്രസീല്‍ മൂന്നാം സ്ഥാനത്തെത്തി. 35 പോയന്റുമായി അര്‍ജന്റീനയാണ് ഒന്നാമത്.
