ബ്രിട്ടീഷ് ബോക്സിങ് ഇതിഹാസം റിക്കി ഹാറ്റൺ (46) അന്തരിച്ചു. മാഞ്ചസ്റ്ററിലെ വീട്ടിൽ മരിച്ച നിലയിൽ കണ്ടെത്തുകയായിരുന്നു. നിരവധി തവണ ലോക ചാമ്പ്യൻ ആയിട്ടുള്ള റിക്കി ഹാറ്റൺ ലൈറ്റ്-വെൽറ്റർ വെയ്റ്റ് ഡിവിഷനിൽ നിരവധി ലോക കിരീടങ്ങളും വെൽറ്റർവെയ്റ്റിൽ ഒരു കിരീടവും നേടിയിട്ടുണ്ട്.
2005 ൽ മാഞ്ചസ്റ്ററിലെ മെൻ അരീനയിൽ നടന്ന മത്സരത്തിൽ കോസ്റ്റ സ്യൂവിനെ പരാജയപ്പെടുത്തിയാണ് അദേഹം ആദ്യമായി ലോക കിരീടം നേടുന്നത്. 15 വർഷത്തെ ബോക്സിങ് കരിയറിൽ, 48 പ്രൊഫഷണൽ പോരാട്ടങ്ങളിൽ 45 എണ്ണത്തിലും വിജയിച്ച ഹാറ്റൺ അവസാനമായി റിങ്ങിൽ എത്തിയത് 2012 ലാണ്. റിങ്ങിൽ നിന്ന് വിരമിച്ചതിനുശേഷം താൻ അനുഭവിച്ച മാനസികാരോഗ്യ പ്രശ്‌നങ്ങളെക്കുറിച്ചും ഹാറ്റൺ തുറന്നുപറഞ്ഞിരുന്നു.
