തിരുവനന്തപുരം: രാഹുല് മാങ്കൂട്ടത്തിലിനെതിരെ പീഡന പരാതി നല്കിയ അതിജീവിതയുടെ ഐഡന്റിറ്റി വെളിപ്പെടുത്തിയതുമായി ബന്ധപ്പെട്ട കേസില് കോണ്ഗ്രസ് വക്താവ് സന്ദീപ് വാര്യക്ക് മുന്കൂര് ജാമ്യം അനുവദിച്ച് തിരുവനന്തപുരം ജില്ലാ സെഷന്സ് കോടതി. കേസില് ഇന്നലെ വാദം പൂര്ത്തിയാക്കിയ കോടതി വിധി പറയാന് ഇന്നത്തേക്ക് മാറ്റുകയായിരുന്നു. കേസില് നാലാം പ്രതിയാണ് സന്ദീപ് വാര്യര്.
ഇരയുടെ ഐഡന്റിറ്റി മനഃപൂര്വ്വം എവിടെയും വെളിപ്പെടുത്തിയിട്ടില്ലെന്നാണ് സന്ദീപ് വാര്യയുടെ വാദം. പരാതിക്കാരിയായ യുവതിയുടെ വിവാഹ സമയത്ത് എടുത്ത ആശംസാ പോസ്റ്റ് പലരും സോഷ്യല്മീഡിയയില് കുത്തിപ്പൊക്കിയതാണെന്നും അതിജീവിതയെ അപമാനിക്കുന്ന പ്രവര്ത്തി ചെയ്തിട്ടില്ലെന്നും സന്ദീപ് വാര്യര് ജാമ്യാപേക്ഷയില് പറയുന്നുണ്ട്. അന്വേഷണത്തോട് സഹകരിക്കണമെന്ന് നിർദേശിച്ചാണ് കോടതി ജാമ്യം അനുവദിച്ചത്.
Case of revealing the identity of a rape victim: Court grants anticipatory bail to Sandeep Warrier
