തിരുവനന്തപുരം: കേരളത്തിലെ മഴ മുന്നറിയിപ്പില്‍ മാറ്റം. മൂന്ന് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. ഇടുക്കി, കണ്ണൂര്‍, കാസര്‍കോട് ജില്ലകളിലാണ് ഇന്ന് അതീവ ജാഗ്രതയുടെ ഭാഗമായി ഓറഞ്ച് അലേര്‍ട്ടുള്ളത്. വടക്കന്‍- മധ്യ കേരളത്തില്‍ മഴയും കാറ്റും കൂടാന്‍ സാധ്യതയുണ്ട്. വരും ദിവസങ്ങളില്‍ പൊതുവെ മഴ കുറയും.
നാളെ യെല്ലോ അലേര്‍ട്ട്
പത്തനംതിട്ട, കോട്ടയം, എറണാകുളം, തൃശൂര്‍, കോഴിക്കോട്, വയനാട് ജില്ലകളില്‍ യെലോ അലര്‍ട്ടാണ്. നാളെ കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ യെലോ അലര്‍ട്ടാണ്.
കാറ്റ് ശക്തമായതിനാല്‍ മത്സ്യബന്ധനത്തിന് ചില മേഖലകളില്‍ വിലക്കുണ്ട്. പൊരിങ്ങല്‍ക്കുത്ത്, കക്കയം, മാട്ടുപെട്ടി, ഷോളയാര്‍, പീച്ചി, പഴശ്ശി, ആളിയാര്‍ ഡാമുകള്‍ തുറന്നു.
