ചാർളി കിർക്ക് വധക്കേസിൽ പ്രതിയായ 22 കാരനായ ടൈലർ റോബിൻസണിന് വിചാരണയ്ക്കുമുമ്പുള്ള എല്ലാ ഹിയറിംഗുകളിലും സാധാരണ വസ്ത്രം ധരിക്കാൻ കോടതി അനുമതി നൽകി. എന്നാൽ സുരക്ഷാ കാരണങ്ങളാൽ അദ്ദേഹത്തെ ശാരീരികമായി നിയന്ത്രിക്കണമെന്നും ജഡ്ജി ടോണി ഗ്രാഫ് തിങ്കളാഴ്ച ഉത്തരവിട്ടു. തടവുകാരന്റെ വസ്ത്രവും ചങ്ങലകളും ധരിച്ചുള്ള ചിത്രങ്ങൾ വ്യാപകമായി പ്രചരിക്കാമെന്നും, അതുവഴി ഭാവിയിലെ ജൂറികൾക്ക് മുൻവിധി ഉണ്ടാകാമെന്നും റോബിൻസന്റെ അഭിഭാഷകർ വാദിച്ചു.
മുൻ ക്രിമിനൽ ചരിത്രമൊന്നുമില്ലെങ്കിലും, കേസിന്റെ സ്വഭാവവും കോടതി സുരക്ഷയും പരിഗണിച്ച് പ്രതിക്ക് നിയന്ത്രണം അനിവാര്യമാണെന്ന് ജഡ്ജി ഗ്രാഫ് പറഞ്ഞു. മാധ്യമങ്ങൾ റോബിൻസന്റെ നിയന്ത്രണങ്ങളുള്ള ദൃശ്യങ്ങൾ പകർത്തുന്നത് നിരോധിച്ചു. കേസിന് “അസാധാരണമായ” പൊതുധാരണയും മാധ്യമശ്രദ്ധയും ലഭിച്ചിട്ടുണ്ടെന്ന് ജഡ്ജി ഗ്രാഫ് അംഗീകരിച്ചു. “റോബിൻസൻ കുറ്റമറ്റവനായി കരുതപ്പെടുന്ന ഒരാളായി പ്രത്യക്ഷപ്പെടണം,” ജഡ്ജി ഓൺലൈൻ ഹിയറിംഗിൽ പറഞ്ഞു.
31 വയസ്സുകാരനായ ചാർലി കിർക്ക് സെപ്റ്റംബർ 10-ന് യൂട്ടാ വാലി യൂണിവേഴ്‌സിറ്റിയിൽ നടന്ന ഒരു തുറസ്സായ ചര്‍ച്ചയ്ക്കിടെയാണ് വെടിയേറ്റ് മരിച്ചത്. ആഗ്രവേറ്റഡ് മർഡർ, ഫയർആം ഉപയോഗിച്ച് കുറ്റകൃത്യം, നീതിതടസ്സം, സാക്ഷികളെ ഭീഷണിപ്പെടുത്തൽ, കൂടാതെ കുട്ടികളുടെ സാന്നിധ്യത്തിൽ നടന്ന അതിക്രമം തുടങ്ങിയ കുറ്റങ്ങളാണ് റോബിൻസണിന് ചുമത്തിയിട്ടുണ്ട്. പ്രോസിക്യൂഷൻ അദ്ദേഹത്തിന് മരണശിക്ഷ ആവശ്യപ്പെടുമെന്നാണ് യൂട്ടാ കൗണ്ടി അറ്റോർണി ജെഫ് ഗ്രേ വ്യക്തമാക്കിയിരിക്കുന്നത്.
സെപ്റ്റംബർ 12-നാണ് റോബിൻസൻ മാതാപിതാക്കളോടൊപ്പം തെക്കൻ യൂത്തായിലെ സ്വന്തം നഗരത്തിലെ ഷെരിഫ് ഓഫീസിൽ എത്തി സ്വമേധയാ കീഴടങ്ങിയത്. ഇപ്പോൾ അദ്ദേഹം ജാമ്യമില്ലാതെ യൂട്ടാ കൗണ്ടി ജയിലിൽ തടവിലാണ്. അന്വേഷണത്തിനിടെ, ഒരു വിരമിച്ച ഡെപ്യൂട്ടി നൽകിയ സൂചനയുടെ അടിസ്ഥാനത്തിലാണ് പ്രതിയെ കണ്ടെത്തിയതെന്ന് വാഷിംഗ്ടൺ കൗണ്ടി ഷെരിഫ് നെയ്റ്റ് ബ്രൂക്സ്ബി വെളിപ്പെടുത്തി. പ്രതിയെ സ്വമേധയാ കീഴടങ്ങാൻ പ്രേരിപ്പിക്കാനാണ് അവർ ശ്രമിച്ചതെന്നും അദ്ദേഹം പറഞ്ഞു.ഡിസ്‌കോർഡ് പ്ലാറ്റ്‌ഫോമിൽ സഹവാസിയുമായുള്ള ടെക്സ്റ്റ് സന്ദേശങ്ങളിൽ റോബിൻസൻ കുറ്റം സമ്മതിച്ചിട്ടുണ്ടെന്നാണും അധികാരികൾ പറയുന്നത്. റോബിൻസൻ അടുത്ത ജനുവരി 16നും 30നും 2026-ലും നടക്കുന്ന പൊതുഹിയറിംഗുകളിൽ നേരിട്ട് ഹാജരാകണമെന്നും ജഡ്ജി ഉത്തരവിട്ടു. തിങ്കളാഴ്ച നടന്ന ഹിയറിംഗിൽ അദ്ദേഹം ജയിലിൽ നിന്നു ഓൺലൈനായാണ് ഹാജരായത്.
Charlie Kirk murder case: Accused allowed to wear plain clothes in court
