ന്യൂഡല്ഹി : ബിഹാറിലെ തിരഞ്ഞെടുപ്പ് ഫലം ഞെട്ടിക്കുന്നതെന്ന് കോണ്ഗ്രസ് നേതാവ് രാഹുല് ഗാന്ധി. കോണ്ഗ്രസ് പാര്ട്ടിയും ഇന്ത്യാ സഖ്യവും ഈ ഫലത്തെ ആഴത്തില് അവലോകനം ചെയ്യുമെന്നും ജനാധിപത്യത്തെ സംരക്ഷിക്കാനുള്ള ശ്രമങ്ങള് ശക്തമാക്കുമെന്നും രാഹുല് ഗാന്ധി പറഞ്ഞു. മാത്രമല്ല, തുടക്കം മുതല് നീതിപൂര്വമല്ലാത്ത തിരഞ്ഞെടുപ്പായിരുന്നുവെന്നും വിജയിക്കുന്നതില് തങ്ങള് പരാജയപ്പെട്ടുവെന്നും രാഹുല് ഗാന്ധി എക്സില് കുറിച്ചു.
അതേസമയം, ബിഹാറിലെ തിരഞ്ഞെടുപ്പ് കമ്മിഷനിലുള്ള ജനങ്ങളുടെ വിശ്വാസം ശക്തിപ്പെടുത്തുന്നതാണ് വിജയമെന്നായിരുന്നു പ്രധാനമന്ത്രി നരേന്ദ്ര മോദിയുടെ പ്രതികരണം. കഠിനാധ്വാനം ചെയ്താണ് ജനങ്ങളെ സന്തോഷിപ്പിക്കുകയും അവരുടെ ഹൃദയം കവരുകയും ചെയ്തതെന്നും അതുകൊണ്ടാണ് ഒരിക്കല്ക്കൂടി ബിഹാര് എന്ഡിഎ സര്ക്കാരിനെ തിരഞ്ഞെടുത്തതെന്നും മോദി പറഞ്ഞു. ബിഹാറിലെ ജനത അവരുടെ ശക്തി പൂര്ണമായും കാണിച്ചുവെന്നും ന്യൂഡല്ഹിയിലെ പാര്ട്ടി ആസ്ഥാനത്ത് ബിജെപി പ്രവര്ത്തകരെയും അനുഭാവികളെയും അഭിസംബോധന ചെയ്ത് സംസാരിക്കവെ മോദി പറഞ്ഞിരുന്നു.
Congress leader Rahul Gandhi says Bihar election results are shocking
