കാലിഫോർണിയ: കൊവിഡ് 19 വ്യാപന സാധ്യതയും പനി സീസണിൻ്റെ തുടക്കവുമായതിനാൽ അമേരിക്കയിലെ കാലിഫോർണിയ സംസ്ഥാനത്തെ പ്രധാന നഗരമായ സൊനോമ കൗണ്ടിയിൽ വീണ്ടും മാസ്‌ക് നിർബന്ധമാക്കി. നവംബർ 1 മുതൽ 2026 മാർച്ച് 31 വരെയാണ് മാസ്‌ക് നിർബന്ധമാക്കിയത്. കെഎൻ95, കെഎൻ94, എൻ95 മാസ്കുകളാണ് ഉപയോഗിക്കേണ്ടത്. മറ്റുള്ളവ ഉപയോഗിക്കാൻ പാടില്ലെന്നും നിർദേശമുണ്ട്.
ഈ നിബന്ധനകൾ മുതിർന്നവർക്കും കാൻസർ രോഗികളടക്കമുള്ള വിഭാഗങ്ങളെ സംരക്ഷിക്കുകയും ആരോഗ്യ പ്രവർത്തകർക്ക് രോഗവ്യാപനം ഉണ്ടാകാതിരിക്കാനുമാണ് സൊനോമ ഹെൽത്ത് വകുപ്പ് വ്യക്തമാക്കി. മാസ്‌ക് നിർബന്ധമാക്കിയതിനൊപ്പം കോവിഡ്-19, ഫ്ലൂ വാക്സിനുകൾ ആറുമാസം പ്രായം കഴിഞ്ഞ എല്ലാവരും എടുക്കണമെന്നും ഉത്തരവിൽ പറയുന്നു.
അതേസമയം, സെൻ്റർ ഫോർ ഡിസീസ് കൺട്രോൾ നൗകാസ്റ്റ് പുറത്തുവിട്ട മെയ് മാസത്തിലെ കണക്കുകൾ പ്രകാരം, കോവിഡ് എക്സ് എഫ് ജി വകഭേദം അമേരിക്കയിൽ മൂന്ന് ശതമാനമായിരുന്നു. എന്നാൽ സെപ്റ്റംബർ 27 വരെയുള്ള നാല് ആഴ്ചകളിൽ അത് 85% കേസുകൾക്ക് കാരണമായതായി കണ്ടെത്തിയിട്ടുണ്ട്. ഇതേ തുടർന്നാണ് ഉത്തരവ് പുറത്തിറക്കിയിരിക്കുന്നത്.
