തിരുവനന്തപുരം കോര്‍പ്പറേഷനിലെ ഭരണം തുടരാനാൻ ലക്ഷ്യമിട്ട് സിപിഐഎം. ഇതിൻ്റെ ഭാഗമായി മൂന്ന് ഏരിയ സെക്രട്ടറിമാരെ മത്സരിപ്പിക്കാൻ സിപിഐഎം ജില്ലാ കമ്മിറ്റി യോഗത്തിൽ തീരുമാനിച്ചു സിപിഐഎം വഞ്ചിയൂർ ഏരിയ സെക്രട്ടറി കെ ശ്രീകുമാർ, പാളയം ഏരിയ സെക്രട്ടറി വഞ്ചിയൂർ പി ബാബു, വിളപ്പിൽ ഏരിയാ സെക്രട്ടറി ആർ പി ശിവജി എന്നിവരാകും മത്സരിക്കുക.
കെ ശ്രീകുമാർ ചാക്കയിലും വഞ്ചിയൂരിൽ പി ബാബുവും ആർ പി ശിവജി പുന്നയ്ക്കാ മുഗൾ വാർഡിലുമായിരിക്കും മത്സരിക്കുക. കൂടാതെ ജില്ലാ കമ്മിറ്റി അംഗങ്ങളായ എസ് പി ദീപക്, എസ് എ സുന്ദർ എന്നിവരും തെരഞ്ഞെടുപ്പിൽ മത്സരിക്കും. കോര്‍പ്പറേഷനിലെ 75 സീറ്റുകളിൽ സിപിഐഎമ്മും 17 സീറ്റിൽ സിപിഐയും മത്സരിക്കും.
തെരഞ്ഞെടുപ്പ് വിജ്ഞാപനം വന്നാൽ തൊട്ടുപിന്നാലെ സ്ഥാനാര്‍ത്ഥികളെ പ്രഖ്യാപിക്കാനാണ് സിപിഐഎമ്മിൻ്റെ നീക്കം.101 വാർഡുകൾ ഉള്ള തിരുവനന്തപുരം നഗരസഭയിൽ കേരള കോൺഗ്രസ് എം , കേരള കോൺഗ്രസ് ബി, ആർ ജെ ഡി എന്നിവർക്കും പ്രാതിനിധ്യമുണ്ട്.
CPI(M) to field three area secretaries in Thiruvananthapuram Corporation election
