തിരുവനന്തപുരം: നിലമ്പൂര്‍ ഉപതിരഞ്ഞെടുപ്പില്‍ ഭരണ വിരുദ്ധ വികാരം ഉണ്ടായിട്ടില്ലെന്ന് സി പി എം സംസ്ഥാന സെക്രട്ടേറിയേറ്റ് വിലയിരുത്തി. നിലമ്പൂരില്‍ രാഷ്ട്രീയ പോരാട്ടമാണ് നടത്തിയത്. ജമാഅത്തെ ഇസ്ലാമിയെ മുന്‍ നിര്‍ത്തി ന്യൂനപക്ഷ വോട്ടുകളുടെ ഏകീകരണത്തിനുള്ള യു ഡി എഫ് ശ്രമം വിജയിച്ചു.
സ്വരാജിന്റെ പരാജയം ഉറപ്പാക്കാന്‍ ബി ജെ പി വോട്ടുകള്‍ ആസൂത്രിതമായി യു ഡി എഫിനു നല്‍കി. അന്‍വര്‍ വ്യക്തിപരമായി സമാഹരിക്കുന്ന വോട്ടില്‍ സി പി എം aഅണികളുടെ വോട്ടും ഉള്‍പ്പെടുന്നു. ഇടതുപക്ഷത്തിന്റെ അടിസ്ഥാന വോട്ടുകളില്‍ ചോര്‍ച്ചയുണ്ടായിട്ടില്ല. സംസ്ഥാന സെക്രട്ടേറിയറ്റ് വിലയിരുത്തി.
