കൊളംബോ: ഡിറ്റ് വാ ചുഴലിക്കാറ്റും കനത്ത മഴയും ശ്രീലങ്കയിൽ ദുരിതം വിതയ്ക്കുന്നു. ശ്രീലങ്കയിൽ ഏകദേശം നൂറോളം പേർക്ക് ജീവൻ നഷ്ടമാകുകയും നിരവധിയാളുകളെ കാണാതാവുകയും ചെയ്തിട്ടുണ്ട്. 72 മണിക്കൂറിനിടെയാണ് ഇത്രയും മരണമുണ്ടായത്. 12,313 കുടുംബങ്ങളിലെ 43,900 പേർ ദുരിതത്തിലാണെന്ന് അധികൃതർ അറിയിച്ചു. ഓഫിസുകളും വിദ്യാലയങ്ങളും അടച്ചു. ട്രെയിൻ സർവീസും റദ്ദാക്കി. മധ്യ പ്രവിശ്യാ നഗരമായ ഗംപോലയിൽ, റെയിൽവേ സ്റ്റേഷൻ വെള്ളത്തിലായി. കൊളംബോ വിമാനത്താവളത്തിൻ്റെ പ്രവർത്തനം താറുമാറായ അവസ്ഥയിലാണ്.
In Sri Lanka, flooding has wreaked havoc. So far, 47 people have been reported dead from the #floods and landslides and 21 are missing. Relief and rescue operations are underway…#SriLanka #SriLankafloods #SriLankarains #SrilankaWeather #srilankanews #FloodSL #floodrelief pic.twitter.com/PIlM4GOwO2
— Galgotias Times (@galgotiastimes) November 28, 2025
ശനിയാഴ്ച രാത്രിയോടെ ചുഴലിക്കാറ്റ് തമിഴ്നാട്ടിലേക്ക് എത്തും. ചുഴലിക്കാറ്റ് ചെന്നൈക്കു സമീപം കരതൊട്ടാൽ നഗരത്തിൽ അതിശക്തമായ മഴയ്ക്കാണ് സാധ്യത. ചെന്നൈയ്ക്ക് 490 കിലോമീറ്റർ അകലെയാണ് ചുഴലിക്കാറ്റ് രാത്രി നിലകൊണ്ടത്. മണിക്കൂറിൽ 7 കിലോമീറ്റർ വേഗത്തിലാണ് നിലവിൽ സഞ്ചരിക്കുന്നത്. ഉച്ചയോടെ ശ്രീലങ്കയിൽ പെയ്യുന്ന മഴയുടെ അളവ് കുറയും. ചുഴലിക്കാറ്റിന്റെ സ്വാധീനത്തിൽ കേരളത്തിൽ താപനില കുറഞ്ഞിട്ടുണ്ട്. പലയിടത്തും തണുപ്പു മൂടിയ അന്തരീക്ഷമാണ്. അടുത്ത 24 മണിക്കൂറില്‍ കേരളത്തിലെ പത്തനംതിട്ട, തിരുവനന്തപുരം, കൊല്ലം ജില്ലകളില്‍ മിന്നല്‍ പ്രളയ സാധ്യതാ മുന്നറിയിപ്പുണ്ട്.
Cyclone Dit Wah and heavy rain in Sri Lanka, death toll rises to 80, cyclone to hit Tamil Nadu coast tonight
