തിരുവനന്തപുരം: സംസ്ഥാനത്ത് ഒക്ടോബര് 15 വരെ മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തെക്കുകിഴക്കന് അറബിക്കടലിനും അതിനോടു ചേര്ന്ന വടക്കന് കേരള തീരത്തിനും മുകളിലായി ചക്രവാതചുഴി നിലനില്ക്കുന്നുണ്ട്. ഇതിന്റെ സ്വാധീന ഫലത്തിലാണ് ഒക്ടോബര് 15 വരെ കേരളത്തിലും മാഹിയിലും ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്ക് സാധ്യതയുള്ളത്.
വിവിധ ജില്ലകളില് കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചു.
മഞ്ഞ അലര്ട്ട്
12-10-2025: പത്തനംതിട്ട, ഇടുക്കി, പാലക്കാട്, മലപ്പുറം, വയനാട്
13-10-2025: പത്തനംതിട്ട, കോട്ടയം, ഇടുക്കി, വയനാട്
14-10-2025: പത്തനംതിട്ട, കോട്ടയം, ഇടുക്കി
15-10-2025: എറണാകുളം, ഇടുക്കി
മണിക്കൂറില് 30 മുതല് 40 കിലോമീറ്റര് വരെ വേഗതയില് കാറ്റ് വീശാനും സാധ്യതയുണ്ട്. കേരള- കര്ണാടക ലക്ഷദ്വീപ് തീരങ്ങളില് ഇന്ന് മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പ് അറിയിച്ചു.
