ഡൽഹി മലയാളി സംഘം ഓണാഘോഷവും അവാർഡ് വിതരണ ചടങ്ങും 2025 ഓഗസ്റ്റ് 31 ന് ഞായറാഴ്ച ബി സി പാൽ ഓഡിറ്റോറിയം ജി കെ 2 ൽ നടന്നു. ഓണാഘോഷം ചാർട്ടഡ് അക്കൗണ്ടന്റും പ്രമുഖ സാമ്പത്തിക വിദഗ്ദ്ധയുമായ നിമ ഗോപൻ ഉദ്ഘാടനം ചെയ്തു. പ്രസിഡന്റ് ഡോ. കെ സുന്ദരേശൻ അധ്യക്ഷത വഹിച്ച ചടങ്ങിൽ ഡി എം എസ് മുഖ്യ രക്ഷാധികാരി ഡോ. രാജൻ സ്കറിയ, രക്ഷാധികാരി ജി ശിവശങ്കരൻ, ഡൽഹി ചക്കുൾത്തമ്മ സഞ്ജീവനി ട്രസ്റ്റ് പ്രസിഡന്റ് സി കേശവൻ കുട്ടി എന്നിവർ ആശംസകൾ നേർന്നു. ക്യാപ്റ്റൻ കൃഷ്ണ, സുനിൽകുമാർ നായർ തുടങ്ങിയവരും ആശംസകൾ അറിയിച്ച് സംസാരിച്ചു. രാജീവ് ദിവാകരനും സൂര്യ സുന്ദറും മേഘ എം നായറുമായിരുന്നു പരിപാടി ഏകോപിപ്പിച്ചത്. ഡി എം എസ് ഓണാഘോഷത്തിന് വൈസ് പ്രസിഡന്‍റുമാരായ ക്യാപ്റ്റൻ കൃഷ്ണ, സുനിൽകുമാർ നായർ എന്നിവർ നേതൃത്വം നൽകി. പൊതു ചടങ്ങുകൾക്ക് ശേഷം വിഭവ സമൃദ്ധമായ ഓണ സദ്യയുമുണ്ടായിരുന്നു.
ചടങ്ങിൽ കഴിഞ്ഞ വർഷങ്ങളിലെ പോലെ സാമൂഹിക-സാംസ്കാരിക, മെഡിക്കൽ മേഖലകളിലെ പ്രമുഖ വ്യക്തിത്വങ്ങളെ ഡി എം എസ് ആദരിച്ചു: രവീന്ദ്രൻ (സ്ഥാപക രക്ഷാധികാരി), ദേവ്ലി (അയ്യപ്പ പൂജാ സമിതി), ഡോ. കെ പി ഹരീന്ദ്രൻ ആചാരി (വിദ്യാഭ്യാസ വിചക്ഷണൻ), ടോമി തോമസ് (പ്രസിഡണ്ട് എച്ച്ആർ ക്രിസുമി കോർപ്പറേഷൻ).
മെഡിക്കൽ, ഹെൽത്ത് സർവീസിലെ സേവന പുരസ്കാരം
സിന്ധു ഗോപൻ, എയിംസ്
സിന്ധു ബിജു, സഫ്ദർജംഗ്
ശാന്ത ശിവരാജൻ ആർഎംഎൽ
രമ നായർ, മാതാ ചന്നൻ ദേവി ആശുപത്രി
ജിജി മോൾ ടോമി എയിംസ്
സൗദാമിനി സോമൻ, മഹീന്ദ്രു ഹോസ്പിറ്റൽ ഉത്തം നഗർ
രമ ദേവി, ബിപിഡി, സ്ത്രീ ജ്വാല കൺവീനർ,
സിനു ജോൺ, ബിഡികെ ഡൽഹി പ്രസിഡന്റ്
നിഖിൽ എൻ പ്രസാദ് എൽബിഎസ്എച്ച്, ഡി നിപ് കെയർ വോളണ്ടിയർ,
ശ്രീലത സുരേഷ്, ഭഗത് ആശുപത്രി, ജനക്പുരി.
കുട്ടികൾക്കുള്ള ആയോധനകലയ്ക്കുള്ള അവാർഡ് (കളരി) അശ്വനി ലാൽ, ആദർശ് ആർ നായർ, കുമാരി അതുല്യ പി നായർ.
സാംസ്കാരിക പരിപാടികൾ: എസ്എൻഡിപി വനിതാ സംഘം മയൂർ വിഹാർ-3 അവതരിപ്പിച്ച രംഗപൂജ, തിരുവാതിര, സംഘ നൃത്തം, ഒപ്പന, പ്രതിഭ നൃത്താലയ പശ്ചിമ വിഹാറിൻ്റെ ഇൻവോക്കേഷൻ, ദക്ഷിണപുരിയിലെ സരസ്വതി നാട്യാലയയുടെ സെമി ക്ലാസിക്കൽ നൃത്തം എന്നുവയും മിഴിവേകി. നിത്യ ചിത്തേന്യ കളരി മയൂർ വിഹാർ 3 അവതരിപ്പിച്ച കളരിയും ഡൽഹിയിലെ നിർമാല്യം മ്യൂസിക് അവതരിപ്പിച്ച ഗാനമേളയും പരിപാടികൾ ആഘോഷമാക്കി.
