രാഷ്ട്രീയത്തിലെ കുടുംബാധിപത്യത്തെ വീണ്ടും വിമർശിച്ച് ഡോ ശശി തരൂർ എംപി. രാഷ്ട്രീയക്കാരുടെ മക്കൾ രാഷ്ട്രീയക്കാരാകണമെന്ന പ്രവണത മാറണമെന്നും ഏതെങ്കിലും ഒരു കുടുംബത്തെ അല്ല താൻ വിമർശിച്ചത്. കുടുംബാധിപത്യത്തെ രാഹുൽഗാന്ധി തന്നെ വിമർശിച്ചിട്ടുണ്ടെന്ന് ശശി തരൂർ പറഞ്ഞു. കുടുംബാധിപത്യത്തെ വിമർശിച്ച് നേരത്തെ മംഗളം ദിനപത്രത്തിലെ ലേഖനത്തിൽ ശശി തരൂർ ലേഖനം എഴുതിയിരുന്നു. സ്ഥാനാർത്ഥിയുടെ യോഗ്യത കുടുംബ പേരു മാത്രമാകുന്നുവെന്നായിരുന്നുവെന്ന് അന്ന് ശശി തരൂർ നടത്തിയ വിമർശനത്തിനെതിരെ കോൺഗ്രസ് നേതാക്കൾ രംഗത്തെത്തിയിരുന്നു. അതിന് പിന്നാലെയാണ് ഇപ്പോൾ വീണ്ടും വിമർശം ഉയർത്തുന്നത്.
അതേസമയം, കോൺഗ്രസിന്റെ മുഖമായി തുടരാനാണ് ആഗ്രഹം എന്ന ചോദ്യത്തിന് രാഷ്ട്രീയക്കാരൻ ആയി തുടരാനാണ് ആഗ്രഹിക്കുന്നതെന്നായിരുന്നു ശശി തരൂരിന്റെ മറുപടി. മോദി സർക്കാരിൻ്റെ വികസന പദ്ധതികളിൽ മത വിവേചനം കണ്ടിട്ടില്ല. കേരള സർക്കാരിനേക്കാൾ കൂടുതൽ കേന്ദ്രസർക്കാർ വികസനം നടപ്പാക്കി. പി എം ശ്രീയിൽ കാവിവൽക്കരണം കാണുന്നില്ലെന്നും രാജ്യവും കേരളവും നന്നാകണം എന്നതാണ് എല്ലാവരുടെയും വിശ്വാസം. മോദി സർക്കാരിനെക്കുറിച്ച് എപ്പോഴും നെഗറ്റീവ് പറഞ്ഞാൽ മതിയോ എന്നും ശശി തരൂർ കൂട്ടിച്ചേർത്തു.
ആരോപണങ്ങൾ ഉയരുമ്പോൾ ചിലർ രാജിവെക്കും ചിലർ തുടരും. അത് അവരുടെ മനസ്സാക്ഷിയുടെ വിഷയമാണ്. കൂടുതൽ രാഷ്ട്രീയ വിവാദങ്ങൾക്കില്ലെന്നും രാഹുൽ മാങ്കൂട്ടത്തിൽ വിഷയത്തിൽ അദേഹം പ്രതികരിച്ചു.
Dr Shashi Tharoor again criticizes family rule; The trend of politicians’ children becoming politicians should change
