ബൈഡൻ ഭരണകാലത്ത് 19 രാജ്യങ്ങളിലെ പൗരന്മാർക്ക് നൽകിയ എല്ലാ ഗ്രീൻ കാർഡുകളും വീണ്ടും പരിശോധിക്കണമെന്ന് ഡൊണാൾഡ് ട്രംപ് ഭരണകൂടം ഉത്തരവിട്ടതിനെ തുടർന്ന് എല്ലാ തരം ഇമ്മിഗ്രേഷൻ അപേക്ഷകളുടെയും പ്രോസസ്സിംഗ് വ്യാപകമായി വൈകുമെന്ന് റിപ്പോർട്ടുകൾ. ബൈഡൻ ഭരണകാലത്ത് 19 രാജ്യങ്ങളിൽ നിന്ന് അംഗീകരിച്ച എല്ലാ അഭയാർത്ഥി (asylum) അപേക്ഷകളുമാണ് വീണ്ടും പരിശോധിക്കുന്നത്.
റഫ്യൂജി ആൻഡ് ഇന്റർനാഷണൽ ഓപ്പറേഷൻസ് വിഭാഗത്തിലെ മുൻ ചീഫ് ഓഫ് സ്റ്റാഫായിരുന്ന റിക്കി മുറേ Newsweek-നോട് സംസാരിക്കവേയാണ് ഇക്കാര്യം വ്യക്തമാക്കിയത്. നവംബർ 29 വരെ ഇത്തരം ഉത്തരവുകൾ മുൻപ് ഉണ്ടായിട്ടില്ലെന്നും, ഇത് ഇമ്മിഗ്രേഷൻ ജോലികളെ അതീവ മന്ദഗതിയിലാക്കുമെന്നും അദ്ദേഹം പറഞ്ഞു. ലക്ഷക്കണക്കിന് കേസുകൾ വീണ്ടും പരിശോധിക്കാൻ ആയിരക്കണക്കിന് മനുഷ്യ-മണിക്കൂറുകൾ വേണ്ടിവരും. ഇത് പുതിയ അപേക്ഷകളുടെ പ്രോസസ്സിംഗിനെ വളരെ ആഴത്തിൽ ബാധിക്കുമെന്നും മുറേ പറഞ്ഞു.
USCIS-ക്ക് പരിമിതമായ സ്രോതസ്സുകളാണ് ഉള്ളത്. അതിനാൽ പുതിയ ഫോമുകളുടെ പ്രോസസ്സിംഗ് കാര്യമായി വൈകും. ഒരു ഒറ്റ സംഭവത്തെ അടിസ്ഥാനമാക്കി ആയിരക്കണക്കിന് കുടിയേറ്റക്കാർക്ക് നൽകിയ ആനുകൂല്യങ്ങളുടെ വിശ്വാസ്യത ചോദ്യം ചെയ്യുകയാണ് ഈ മെമോ. 19 രാജ്യങ്ങളിൽ 18 രാജ്യങ്ങൾക്കു ആ സംഭവവുമായി യാതൊരു ബന്ധവുമില്ല. അഫ്ഗാനികളുടെ വളരെ ചെറിയൊരു വിഭാഗത്തിനേ ആ സംഭവത്തിലെ പ്രതിയുമായി എന്തെങ്കിലും ബന്ധമുണ്ടായിട്ടുള്ളൂവെന്നും മുറേ കൂട്ടിച്ചേർത്തു.
USCIS എല്ലാ അസൈലവും അപേക്ഷകൾക്കും പ്രോസസ്സിംഗ് താൽക്കാലികമായി നിർത്തിവെച്ചതായി പ്രഖ്യാപിച്ചിട്ടുണ്ട്. ഇത് ഏതെങ്കിലും ഒരു രാജ്യത്തെ ലക്ഷ്യംവച്ച് ചെയ്തതല്ല എല്ലാ അസൈലവും അപേക്ഷകൾക്കും ബാധകമാണെന്നും ഭരണകൂടം വ്യക്തമാക്കിയിട്ടുണ്ട്. 19 രാജ്യങ്ങളിൽ നിന്നുള്ള എല്ലാ പുതിയ ഇമ്മിഗ്രേഷൻ അപേക്ഷകളും പുനഃപരിശോധന പൂർത്തിയാകുന്നതുവരെ മറ്റു നടപടികൾ ഭരണകൂടം നിർത്തിവെച്ചിരിക്കുകയാണ്.
ഇതിൻ്റെ ഭാഗമായി 19 രാജ്യങ്ങളിലെ അപേക്ഷകരെ അഭിമുഖത്തിന് വിളിക്കാനും, ആവശ്യമെങ്കിൽ വീണ്ടും അഭിമുഖം നടത്താനും സാധ്യതയുണ്ട്. ദേശീയ സുരക്ഷ, പൊതുസുരക്ഷ ഭീഷണികൾ, പ്രവേശനയോഗ്യത എന്നിവയുമായി ബന്ധപ്പെട്ട എല്ലാ കാര്യങ്ങളും പരിശോധിക്കുമെന്നും ഭരണകൂടം അറിയിച്ചു.
Expect massive visa delays: Former USCIS official warns as Trump orders green card review
