യുഎസിൽ കോവിഡ് വാക്സീൻ ഉപയോഗമാകാം ഹൃദയത്തിലെ അണുബാധ മൂലം 10 കുട്ടികൾ മരിച്ചതിനു കാരണമെന്ന് ഫൂഡ് ആൻഡ് ഡ്രഗ് അഡ്മിനിസ്ട്രേഷൻ്റെ (എഫ്ഡിഎ) നിഗമനം. എഫ്ഡിഎ ചീഫ് മെഡിക്കൽ ആൻഡ് സയന്റിഫിക് ഓഫിസർ വിനയ് പ്രസാദ് ജീവനക്കാർക്ക് അയച്ച കത്തിലാണ് ഇക്കാര്യം വ്യക്തമാക്കിയിരിക്കുന്നത്. 2021-24 കാലത്തെ 96 മരണങ്ങളെ അടിസ്ഥാനമാക്കിയുള്ള പഠനത്തിലാണ് ഈ വിലയിരുത്തൽ.
തുടർന്ന് കോവിഡ് വാക്സീൻ വിതരണം 65 വയസ്സിൽ കൂടുതലുള്ളവർക്കും ഗുരുതര ആരോഗ്യപ്രശ്നമുള്ളവർക്കും മാത്രമാക്കാൻ ആരോഗ്യ സെക്രട്ടറി റോബർട് എഫ്. കെന്നഡി ജൂനിയർ നിർദേശം നൽകി. എന്നാൽ, വിദഗ്ധാവലോകനം നടത്തി മെഡിക്കൽ ജേണലിൽ പ്രസിദ്ധീകരിക്കാത്ത ഈ കണ്ടെത്തൽ ആധികാരികമല്ലെന്നും വിദഗ്ധർ അഭിപ്രായപ്പെട്ടു.
FDA says 10 children in US have died after receiving Covid vaccine
