നൈറോബി: ഖത്തറില്നിന്ന് കെനിയയിലേക്ക് പോയ വിനോദസഞ്ചാരികള് പോയ ബസ് അപകടത്തിൽപ്പെട്ട് അഞ്ച് മരിച്ചു. 27 പേര്ക്ക് പരിക്കേറ്റു. കെനിയയിലെ നാകുരു ഹൈവേയില് ഇന്നലെയായിരുന്നു അപകടം. ബസില് 28 ഇന്ത്യന് വിനോദസഞ്ചാരികളും മൂന്ന് ടൂര് ഗൈഡുകളും ഡ്രൈവറും ഉള്പ്പെടെ 32 പേരായിരുന്നു ഉണ്ടായിരുന്നത്.
വിനോദസഞ്ചാരികള് മസായി മാരാ നാഷണല് പാര്ക്കിയില് നിന്ന് ന്യാഹുരൂരുവിലേക്കും അവിടെ നിന്ന് നാകുരുവിലേക്കുമുള്ള യാത്രയിലായിരുന്നു. അപകടകാരണം ബ്രേക്ക് തകരാറും മോശം കാലാവസ്ഥയുമെന്നാണ് പ്രാഥമിക നിഗമനം. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്. അഞ്ച് പേര് സംഭവ സ്ഥലത്തുവെച്ചുതന്നെ മരിച്ചതായി ന്യാന്ഡരുവ സെന്ട്രല് പൊലീസ് ഉദ്യോഗസ്ഥ സ്റ്റെല്ല കീറോണോ പറഞ്ഞു. പരിക്കേറ്റവരെ ആശുപത്രിയില് പ്രവേശിപ്പിരിക്കുകയാണെന്നും അറിയിച്ചു.
