തിരുവനന്തപുരം: സംസ്ഥാനത്ത് സ്വർണ വില കുതിച്ചുയരുന്നു. ചരിത്രത്തിലെ ഏറ്റവും വലിയ വിലയിലാണ് ഇന്നത്തെ വിപണി. ഇന്നലെയും ഇന്നുമായി പവന് 720 രൂപ വർദ്ധിച്ചു. ഇന്ന് പവന് 80 രൂപയാണ് വർദ്ധിച്ചത്. ഇന്നലെ 640 രൂപയുടെ വർദ്ധനവുണ്ടായിരുന്നു. ഇതോടെ സ്വർണവില മുക്കാൽ ലക്ഷം കടന്നു.
ഒരു പവൻ 22 കാരറ്റ് സ്വർണത്തിന്റെ ഇന്നത്തെ വിപണി വില 75,040 രൂപയാണ്.ഇന്ന് ഒരു ഗ്രാം 22 കാരറ്റ് സ്വർണത്തിൻ്റെ വില 9380 ആണ്. ഒരു ഗ്രാം 18 കാരറ്റ് സ്വർണത്തിൻ്റെ വില 7700 ആണ്. 14 കാരറ്റ് സ്വർണത്തിൻ്റെ വില 5995 ആണ്. വെള്ളിയുടെ വിലയിലും വർദ്ധനവുണ്ട്. ഒരു ഗ്രാം 916 ഹാൾമാർക്ക് വെള്ളിയുടെ ഇന്നത്തെ വിപണി വില 123 രൂപയാണ്.
