തിരുവനന്തപുരം: നിലമ്പൂർ തിരഞ്ഞെടുപ്പിനിടെ വന്യജീവി ആക്രമങ്ങളെ നേരിടാൻ നിർണായക തീരുമാനമെടുത്ത് സംസ്ഥാന സർക്കാർ. മനുഷ്യ ജീവനും സ്വത്തിനും ഭീഷണിയാകുന്ന വന്യജീവികളെ കൊല്ലാന്‍ കേന്ദ്ര സർക്കാരിന്റെ അനുമതി തേടാൻ സംസ്ഥാന സര്‍ക്കാര്‍തീരുമാനിച്ചു. ഇക്കാര്യത്തിൽ കേന്ദ്രത്തിന്റെ അനുമതി നേടിയെടുക്കാനായാൽ അത്‌ നേട്ടമാകുമെന്നാണ് സർക്കാരിന്റെ വിലയിരുത്തൽ. ഇന്ന് ചേർന്ന മന്ത്രിസഭാ യോഗത്തിലാണ് ഈ തീരുമാനമെടുത്തത്.
നിയമനിര്‍മാണം കൊണ്ടുവരാനും തീരുമാനിച്ചിട്ടുണ്ട്. വിഷയത്തില്‍ ഇടപെടാന്‍ വനം വകുപ്പിനെ ചുമതലപ്പെടുത്തി. നിര്‍ദേശങ്ങള്‍ നല്‍കാന്‍ വനം വകുപ്പ് സെക്രട്ടറിയെയും ചുമതലപ്പെടുത്തി.
