അതിശക്തമായ മഴയിൽ ഗംഗാനദി കരകവിഞ്ഞൊഴുകുന്നു. ഉത്തരേന്ത്യയിൽ മഴ തുടരുകയാണ്. മഴക്കെടുതിയെ തുടർന്ന് ഹിമാചലിൽ 200 ഓളം റോഡുകൾ അടച്ചു. കാലവർഷക്കെടുതിയിൽ ഹിമാചലിൽ ഇതുവരെ മരണം 109 ആയി. 883 കോടിയുടെ നാശനഷ്ടം ഉണ്ടായെന്നാണ് കണക്കുകൾ. അടുത്ത രണ്ട് ദിവസം കൂടി ഹിമാചലിൽ ശക്തമായി മഴയ്ക്ക് സാധ്യതയെന്നാണ് റിപ്പോർട്ടുകൾ.
ഹിമാചലിൽ 202 റോഡുകൾ അടച്ചിട്ടു. ഷില്ലായ്ക്ക് സമീപം മണ്ണിടിച്ചിൽ ഉണ്ടായി. സംസ്ഥാനത്ത് ഇതുവരെ 883 കോടി രൂപയുടെ നാശനഷ്ടമുണ്ടായി എന്നാണ് സർക്കാർ കണക്കുകൾ. ജമ്മുകശ്മീരിലും കനത്ത മഴ തുടരുകയാണ്. അമർനാഥ് തീർഥയാത്ര നിർത്തിവച്ചു. ഡൽഹിയിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. ജൂലൈ 22 വരെ ഉത്തരേന്ത്യൻ സംസ്ഥാനങ്ങളിൽ ശക്തമായ മഴ ലഭിക്കുമെന്നാണ് മുന്നറിയിപ്പ്.
