കൊച്ചി: പാലക്കാട് എംഎൽഎ രാഹുൽ മാങ്കൂട്ടത്തിലിൻ്റെ ഒന്നാമത്തെ ബലാത്സംഗ കേസില് മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും. നേരത്തെ മുന്കൂര് ജാമ്യം നിഷേധിച്ച സെഷന്സ് കോടതി വിധിക്കെതിരെ നല്കിയ അപ്പീലാണ് ഹൈക്കോടതി ഇന്ന് പരിഗണിക്കുന്നത്. എസ് ഐ ടി രജിസ്റ്റര് ചെയ്ത ആദ്യ ബലാത്സംഗ കേസിലെ മുന്കൂര് ജാമ്യാപേക്ഷയില് ജസ്റ്റിസ് ബെച്ചു കുര്യന് അധ്യക്ഷനായ സിംഗിള് ബെഞ്ച് വാദം കേള്ക്കും.
നേരത്തെ രണ്ടാമത്തെ ബലാത്സംഗ കേസില് തിരുവനന്തപുരം അഡീഷണല് പ്രിൻസിപ്പല് സെഷന്സ് കോടതി മുൻകൂർ ജാമ്യം അനുവദിച്ചതിന് പിന്നാലെ രണ്ടാഴ്ചയോളം നീണ്ട ഒളിവ് ജീവിതം അവസാനിപ്പിച്ച് രാഹുല് മാങ്കൂട്ടത്തില് പുറത്ത് വന്നിരുന്നു.
രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷയെ എതിര്ത്ത് പ്രൊസിക്യൂഷന് നിലപാട് കോടതിയെ അറിയിക്കും. രാഹുലിനെതിരായ ബലാത്സംഗക്കുറ്റം നിലനില്ക്കുമെന്നും മതിയായ തെളിവുണ്ടെന്നുമാണ് പൊലീസിന്റെ വാദം. അതുകൊണ്ടുതന്നെ രാഹുലിന് നിർണായകമാണ്.
High Court to consider anticipatory bail plea of MLA Rahul Mangkootathil in first rape case today
