2025 മുതൽ 2028 വരെ ജനിക്കുന്ന കുഞ്ഞുങ്ങൾക്ക് അമേരിക്കൻ സർക്കാർ നൽകുന്ന പുതിയ സാമ്പത്തിക സഹായ പദ്ധതിയായ ‘ട്രംപ് അക്കൗണ്ടുകൾ’ വലിയ ചർച്ചയായി മാറുന്നു. 2025 ജൂലൈയിൽ പ്രസിഡന്റ് ഡോണൾഡ് ട്രംപ് ഒപ്പുവെച്ച ‘വൺ ബിഗ് ബ്യൂട്ടിഫുൾ ബിൽ’ പ്രകാരമാണ് ഈ പദ്ധതി ആരംഭിക്കുന്നത്. കുട്ടികൾക്ക് ഭാവിയിൽ വലിയൊരു സാമ്പത്തിക ഭദ്രതയുണ്ടാക്കുക എന്നതാണ് പദ്ധതിയുടെ ലക്ഷ്യം.
ട്രംപ് അക്കൗണ്ട് എന്ന് വെച്ചാൽ 2025–2028 കാലയളവിൽ ജനിക്കുന്ന കുട്ടികൾക്ക് അക്കൗണ്ട് തുറക്കാം. സർക്കാർ ആദ്യം 1,000 ഡോളർ നിക്ഷേപിക്കും. ശേഷം മാതാപിതാക്കൾക്ക് വർഷം തോറും 5,000 ഡോളർ വരെ ഇടാം. നിക്ഷേപം മുഴുവൻ S&P 500 പോലുള്ള യു.എസ്. സ്റ്റോക്ക് മാർക്കറ്റ് ഫണ്ടുകളിലാകും.
വൈറ്റ് ഹൗസിന്റെ സാമ്പത്തിക ഉപദേഷ്ടാക്കളുടെ കണക്കുകൾ പ്രകാരം മാതാപിതാക്കൾ പരമാവധി നിക്ഷേപം ചെയ്താൽ 18-ആം വയസ്സിൽ 303,800 ഡോളറും 28-ആം വയസ്സിൽ 1.09 മില്യൺ ഡോളർ (ഏകദേശം 1.1 മില്യൺ ഡോളർ) ആകും. അതേസമയം, മാതാപിതാക്കൾ അധിക നിക്ഷേപം ഒന്നും ചെയ്യാതിരുന്നാൽ 18-ആം വയസ്സിൽ 5,800 ഡോളറും 28-ആം വയസ്സിൽ 18,100 ഡോളറുമാകും.
If ‘Trump accounts’ come into play, children could have up to $1.1 million by age 28? Here’s what you need to know
