മസ്കറ്റ്: അനധികൃതമായി ഒമാനിലേക്ക് പ്രവേശിച്ച 18 എത്യോപ്യൻ പ്രവാസികൾ അറസ്റ്റിലായെന്ന് റോയൽ ഒമാൻ പൊലീസ് അറിയിച്ചു. അൽ വുസ്ത ഗവർണറേറ്റ് പൊലീസ് കമാൻഡ്, ഹൈമയിലെ വിലായത്തിലെ പൊലീസ് സ്‌പെഷ്യൽ ടാസ്‌ക് യൂനിറ്റുമായി സഹകരിച്ച് നടത്തിയ പരിശോധനയിലാണ് ഇവർ പിടിയിലാകുന്നത്.
18 എത്യോപ്യൻ പ്രവാസികൾ കുടിയേറ്റ നിയമങ്ങൾ ലംഘിച്ച് ഒമാനിലേക്ക് നിയമവിരുദ്ധമായാണ് പ്രവേശിച്ചതെന്ന് കണ്ടെത്തി. കസ്റ്റഡിയിലെടുത്തവർക്കെതിരെ നിയമനടപടികൾ പുരോഗമിക്കുകയാണെന്ന് അധികൃതർ അറിയിച്ചു.
