ഷിക്കാഗോയിൽ നിന്ന് ഫ്രാങ്ക്ഫർട്ടിലേക്കുള്ള ലുഫ്താൻസാ വിമാനത്തിൽ രണ്ട് 17 കാരെ മെറ്റൽ ഫോർക്ക കൊണ്ട് കുത്തിയെന്നാരോപിച്ച് 28 വയസ്സുള്ള ഇന്ത്യൻ പൗരനെതിരെ ബോസ്റ്റണിൽ കേസെടുത്തു. സംഭവത്തെ തുടർന്ന് വിമാനം അമേരിക്കയിലേക്ക് അടിയന്തിരമായി തിരിച്ചുവിട്ടു. യു.എസ്. ജസ്റ്റിസ് ഡിപ്പാർട്ട്മെന്റിന്റെ വിവരങ്ങൾ പ്രകാരം, പ്രതി പ്രനീത് കുമാർ ഉസിരിപള്ളി വിദ്യാർത്ഥി വിസയിലാണ് യുഎസിൽ എത്തിയതെങ്കിലും നിലവിൽ അദേഹത്തിൽ നിയമാനുസൃത താമസ പദവി ഇല്ല.
വിമാനത്തിൽ അപകടകരമായ ആയുധം ഉപയോഗിച്ച് ആക്രമണം നടത്തിയതിന് രണ്ട് ഫെഡറൽ കുറ്റങ്ങളാണ് അദ്ദേഹത്തിന് നേരിടേണ്ടി വരുന്നത്.ഒക്ടോബർ 27-ന് അറസ്റ്റ് ചെയ്തതിനുശേഷം ഇയാളെ കസ്റ്റഡിയിൽ വച്ചിരിക്കുകയാണ്. ഗ്രാൻഡ് ജൂറി വ്യാഴാഴ്ച ഔദ്യോഗികമായി കുറ്റപത്രം സമർപ്പിച്ചു. വിചാരണയ്ക്ക് തീയ്യതി പിന്നീട് നിശ്ചയിക്കും.
ചാർജിംഗ് രേഖകൾ പ്രകാരം, ഒക്ടോബർ 25-ന്, ഭക്ഷണം വിതരണം കഴിഞ്ഞതിന് ഉടൻ ശേഷം Lufthansa Flight 431-ലായിരുന്നു ഈ ആക്രമണം.ഒരു ഇരയായ Minor A മധ്യ സീറ്റിൽ ഉറങ്ങിക്കൊണ്ടിരിക്കുമ്പോൾ, ഉസിരിപള്ളി തന്റെ മേൽ നില്ക്കുന്നത് കണ്ടെന്നാണ് പ്രോസിക്യൂട്ടർമാരുടെ മൊഴി. അതിന് ഉടൻ, അദ്ദേഹം മെറ്റൽ ഫോർക്ക് കൊണ്ട് Minor Aയുടെ തോളിൽ കുത്തുകയായിരുന്നു. തുടർന്ന്, അടുത്ത സീറ്റിലെ Minor Bയിലേക്ക് തിരിഞ്ഞ് തലയിൻ്റെ പിന്നിൽ ഫോർക്ക് ഉപയോഗിച്ച് ആക്രമിച്ചു. Minor Bയ്ക്കും മുറിവുകൾ സംഭവിച്ചു.
ഫ്ലൈറ്റ് ക്രൂ ഇടപെടാൻ ശ്രമിച്ചപ്പോൾ സംഭവം കൂടുതൽ വഷളായതായി പ്രോസിക്യൂട്ടർമാർ പറഞ്ഞു. ഉസിരിപള്ളി തന്റെ കൈ തോക്കായി ആക്കി വായിൽ വെച്ച് ട്രിഗർ അമർത്തുന്ന പോലെ നടിച്ച് ഒരു വനിതാ യാത്രക്കാരിയെ തല്ലുകയും, ഒരു ക്രൂ അംഗത്തെയും തല്ലാൻ ശ്രമിക്കുകയും ചെയ്തു. വിമാനത്തിലെ സുരക്ഷാ പ്രശ്നം മൂലം പൈലറ്റുകൾ വിമാനത്തെ ബോസ്റ്റൺ ലോഗൻ അന്താരാഷ്ട്ര വിമാനത്താവളത്തിലേക്ക് തിരിച്ചുവിടുകയും വിമാനം ഇറങ്ങിയ ഉടൻ ഇയാളെ അറസ്റ്റ് ചെയ്യുകയുമായിരുന്നു.
ഉസിരിപള്ളി മുമ്പ് വിദ്യാർത്ഥി വിസയിൽ ബൈബിള് സ്റ്റഡീസ് മാസ്റ്റേഴ്സ് പ്രോഗ്രാമിൽ ചേർന്നിരുന്നതായി സ്ഥിരീകരിച്ചെങ്കിലും, സംഭവം നടന്ന സമയത്ത് അദ്ദേഹത്തിന് നിയമാനുസൃത ഇമിഗ്രേഷൻ പദവി ഇല്ലായിരുന്നു. കോടതി കുറ്റക്കാരനായി കണ്ടെത്തിയാൽ പരമാവധി 10 വർഷം തടവും 250,000 (ഏകദേശം ₹2 കോടി) ഡോളർ വരെ പിഴയും ലഭിക്കാം. യുഎസ് അറ്റോർണി ഓഫീസ്, FBI, മസ്സാച്ചുസെറ്റ്സ് സ്റ്റേറ്റ് പൊലീസ്, ICE, കസ്റ്റംസ് & ബോർഡർ പ്രൊട്ടക്ഷൻ എന്നിവരാണ് ഈ കേസ് അന്വേഷിക്കുന്നത്.
ഇപ്പോഴുള്ള വിവരങ്ങൾ ആരോപണങ്ങൾ മാത്രമാണ് കോടതി കുറ്റക്കാരനായി വിധിക്കുന്നതുവരെ ഉസിരിപള്ളി നിരപരാധിയാണെന്ന് പരിഗണിക്കപ്പെടുന്നുവെന്ന് പ്രോസിക്യൂട്ടർമാർ വ്യക്തമാക്കി.
Indian student charged with stabbing two teenagers with fork during flight; faces up to 10 years in prison and $250,000 fine
