സെൻട്രൽ ഇംഗ്ലണ്ടിലെ വോർസെസ്റ്ററിൽ വെച്ചുണ്ടായ ആക്രമണത്തിൽ ഹരിയാനയിലെ ചർഖി ദാദ്രി സ്വദേശിയായ വിജയ് കുമാർ ഷിയോറാൻ (30) എന്ന വിദ്യാർത്ഥി കുത്തേറ്റു മരിച്ചു. ചൊവ്വാഴ്ച പുലർച്ചെ 4:15 ഓടെ യാണ് സംഭവം. വോർസെസ്റ്ററിലെ ബാർബേൺ റോഡിൽ ഗുരുതരമായി പരിക്കേറ്റ നിലയിലാണ് ഇന്ത്യക്കാരനായ യുവാവിനെ ഉദ്യോഗസ്ഥർ കണ്ടെത്തിയത്. ആക്രമണത്തിൽ ഗുരുതരമായി പരിക്കേറ്റ വിദ്യാർത്ഥി ആശുപത്രിയിൽ വെച്ച് മരണത്തിന് കീഴടങ്ങുകയായിരുന്നു.
സംഭവത്തിൽ അഞ്ച് പേരെ പോലീസ് അറസ്റ്റ് ചെയ്തെങ്കിലും ഇവരെ ജാമ്യത്തിൽ വിട്ടു. ദൃക്സാക്ഷികൾ ആരെങ്കിലുമുണ്ടെങ്കിൽ വിവരങ്ങൾ നൽകണമെന്ന് അധികൃതർ അഭ്യർത്ഥിച്ചു. അന്വേഷണം പുരോഗമിക്കുകയാണെന്നും കൊലപാതകവുമായി ബന്ധപ്പെട്ട് കൂടുതല് വിവരങ്ങള് ഇപ്പോള് പുറത്തുവിടാന് കഴിയില്ലെന്നും പോലീസ് വ്യക്തമാക്കി. അതേസമയം, മൃതദേഹം എത്രയും പെട്ടെന്ന് നാട്ടിലെത്തിക്കും.
Indian student stabbed to death on street in UK, police ask for witnesses to come forward
