53 ലക്ഷം രൂപയുടെ ലോണ് 6 വര്ഷം കൊണ്ട് അടച്ച് തീര്ത്തുവെന്ന് റെഡിറ്റിൽ അനുഭവം പങ്കുവെച്ച് ഇന്ത്യൻ ടെക്കി. 2019 സെപ്റ്റംറില് ആരംഭിച്ച ലോണ് 2025 നവംബറില് അടച്ചു തീര്ത്തുവെന്നും പലിശയും കൂടി നോക്കുമ്പോള് ഈ 67 ലക്ഷത്തോളം രൂപ തനിക്ക് അടയ്ക്കേണ്ടി വന്നെന്നും ഇയാള് പറയുന്നു.
പോസ്റ്റില് താന് ഹോം ലോണ് എടുത്തതില് നിന്ന് പഠിച്ച ചില കാര്യങ്ങളും മുന്നറിയിപ്പുകളും പറയുന്നുണ്ട്. നിങ്ങള് അമിതമായി ചിന്തിക്കുന്ന ആളോ അല്ലെങ്കില് ഉത്കണ്ഠ പ്രശ്നങ്ങള് ഉള്ള ആളോ ആണെങ്കില് ഭവന വായ്പ എടുക്കരുത്. കാരണം ഇത് നിങ്ങളെ വലിയ മാനസിക സമ്മര്ദ്ദത്തിലേക്ക് തള്ളി വിടും. ഒരു മികച്ച തിരിച്ചടവ് പദ്ധതി ഉണ്ടായിരിക്കുക. സുഹൃത്തുക്കളുമായോ കുടുംബാംഗങ്ങളുമായോ സാമ്പത്തിക ഉപദേഷ്ടാക്കളുമായോ നേരത്തെ സംസാരിച്ച ശേഷം മാത്രം തീരുമാനം എടുക്കുക.കഴിയുന്നത്ര തുക മുന്കൂട്ടി അടയ്ക്കുക. ഇത് വലിയ പലിശ തുകകളില് നിന്ന് നിങ്ങളെ രക്ഷിക്കുമെന്നും പോസ്റ്റിൽ പറയുന്നു.
താൻ 53 ലക്ഷത്തിന്റെ ലോണ് എടുത്തെങ്കെിലും 14 ലക്ഷത്തോളം പലിശ അടയ്ക്കേണ്ടി അടയ്ക്കേണ്ടി വന്നു. അതുകൊണ്ട് ആ തുകയെ കുറിച്ച് കൂടി ലോണ് എടുക്കുമ്പോള് ആലോചിക്കണമെന്നും ഇയാൾ പറയുന്നു. പണം അടയ്ക്കാനായി ജര്മ്മനിയിലാൻ താൻ ജോലി നോക്കിയെന്നും ഈ ജോലിയാണ് തന്നെ മുഴുവന് തുകയും അടയ്ക്കാന് സഹായിച്ചതെന്നും ടെക്കി വ്യക്തമാക്കുന്നു.
അതേസമയം, പോസ്റ്റിന് താഴെ നിരവധി പേർ പ്രതികരണങ്ങളുമായെത്തി. നിങ്ങളുടെ ഉറക്കത്തില് നിന്ന് വായ്പ എന്ന ദുസ്വപനം ഒഴിഞ്ഞതില് അഭിനന്ദനങ്ങള് എന്ന് ഒരാള് കുറിച്ചു. അഭിനന്ദനങ്ങള്, ബാങ്കില് നിന്ന് ലോണ് ക്ലോഷര് റിപ്പോര്ട്ടും എന്ഒസിയും വാങ്ങാന് മറക്കരുതെന്ന് മറ്റൊരാളും അഭിപ്രായപ്പെട്ടു.
Indian techie shares experience on Reddit after paying off Rs 53 lakh loan in 6 years
