
ഹൈദരാബാദ്: സസ്പെന്ഷന് പിന്നാലെ ബിആര്എസിൽ നിന്ന് രാജി വെച്ച് കെ കവിത. എംഎല്സി സ്ഥാനവും രാജിവെച്ചു. ബിആര്എസിനെ തകര്ക്കാന് ഗൂഢാലോചന നടക്കുന്നുവെന്നും കവിതയുടെ ബന്ധുക്കളും ബിആര്എസ് നേതാക്കളുമായ ടി ഹരീഷ് റാവു, സന്തോഷ് കുമാര് എന്നിവര്ക്ക് തനിക്കെതിരായ പാര്ട്ടി നടപടിയില് പങ്കുണ്ടെന്നും കവിത ആരോപിച്ചു.
ഇവർക്കെതിരെ നേരത്തെയും കവിത, കെസിആറിന്റെ രാഷ്ട്രീയ പ്രതിച്ഛായ നശിപ്പിക്കാന് ശ്രമിച്ചുവെന്നും ബിആര്എസിനെ ബിജെപിയില് കൊണ്ടുപോയി കെട്ടാന് ശ്രമിച്ചുവെന്നും ഗുരുതര ആരോപണം ഉന്നയിച്ചിരുന്നു.
അച്ചടക്കം ലംഘനം ചൂണ്ടികാട്ടി കഴിഞ്ഞ ദിവസമായിരുന്നു കവിതയെ പാര്ട്ടിയില് നിന്നും സസ്പെന്ഡ് ചെയ്തത്. ബിആര്എസ്സില് കഴിഞ്ഞ കുറേ നാളുകളായി തുടരുന്ന ആഭ്യന്തര കലാപത്തിനിടെയാണ് സസ്പെന്ഷന്.