കേരള അസോസിയേഷൻ ഓഫ് ന്യൂജഴ്സി (കാൻജ്) ‘Jingle Bells’ എന്ന പേരിൽ ഡിസംബർ 6-ന് സോമർസെറ്റിലെ ടാഗോർ ഹാളിൽ ക്രിസ്മസ് ആഘോഷം അതിവിപുലമായി സംഘടിപ്പിച്ചു. കാൻജ് പ്രസിഡന്റ് സോഫിയ മാത്യുവിന്റെ നേതൃത്വത്തിൽ 2025 വർഷത്തെ സംഘടനാ പ്രവർത്തനങ്ങളുടെ അവലോകനവും നടന്നു.
ക്രിസ്മസ് ആഘോഷങ്ങളുടെ ഭാഗമായി വിവിധ സാംസ്കാരിക പരിപാടികളും അരങ്ങേറി. Team Dho അവതരിപ്പിച്ച സംഗീത സായാഹം ആഘോഷങ്ങൾക്ക് പ്രത്യേക മോടി കൂട്ടി. കുട്ടികളുടെയും മുതിർന്നവരുടെയും സജീവ പങ്കാളിത്തം പരിപാടികൾക്ക് അധിക ഊർജവും ഉത്സാഹവും നൽകി. ഐക്യവും സേവനവും സംസ്കാര പാരമ്പര്യവും മുൻനിർത്തിയ കാൻജിന്റെ ദൗത്യത്തെ പ്രതിഫലിപ്പിക്കുന്ന തരത്തിലായിരുന്നു ഈ സംഗമം.
ഏകദേശം 40-ലധികം വിജയകരമായ പരിപാടികളോടെ ഉജ്ജ്വലമായ ഒരു വർഷമാണ് കാൻജ് പിന്നിട്ടത്. ചെറിയ കുട്ടികൾക്കായി Little Star Reading Club, യുവജനതയ്ക്ക് വേണ്ടി കാൻജ് Yuva, വനിതകളുടെ കൂട്ടായ്മയായി കാൻജ് Women’s Forum, IT മേഖലയിൽ പുതിയ മാറ്റങ്ങളെ ഉൾക്കൊണ്ടുകൊണ്ട് കാൻജ് IT Academy എന്നിവയിലൂടെ സമൂഹത്തിലെ എല്ലാ വിഭാഗങ്ങളെയും സ്പർശിച്ചുകൊണ്ടുള്ള പുതിയ പ്രവർത്തനങ്ങൾക്ക് തുടക്കം കുറിച്ച് കൊണ്ടാണ് 2025ലെ കാൻജ് കമ്മിറ്റി കടന്നു പോയത്.
2025 ലെ കമ്മിറ്റി അംഗങ്ങൾ ആയ സോഫിയ മാത്യു (പ്രസിഡന്റ്), കുർഷിദ് ബഷീർ (സെക്രട്ടറി), ജോർജി സാമൂവൽ (ട്രഷറർ), വിജയ് നമ്പ്യാർ (വൈസ് പ്രസിഡന്റ്), ദയ ശ്യാം (ജോയിന്റ് സെക്രട്ടറി), കൃഷ്ണ പ്രസാദ് (ജോയിൻ്റ് ട്രഷറർ), സൂരജിത് കിഴക്കയിൽ (കൾച്ചറൽ അഫയേഴ്സ്), അസ്ലം ഹമീദ് (സ്പോർട്സ് അഫയേഴ്സ്), നിധിൻ ജോയ് ആലപ്പാട്ട് (ഐ ടി ഓഫിസർ), അനൂപ് മാത്യൂസ് രാജു (മീഡിയ ആൻഡ് കമ്മ്യൂണിക്കേഷൻ), ജയകൃഷ്ണൻ എം മേനോൻ (ചാരിറ്റി അഫയേഴ്സ്), ടോണി മാങ്ങൻ (പബ്ലിക് ആൻഡ് സോഷ്യൽ അഫയേഴ്സ്), രേഖ നായർ (യൂത്ത് അഫയേഴ്സ്), ബിജു വർഗീസ് (എക്സ് ഓഫീഷ്യോ), എന്നിവർ പരിപാടികൾക്ക് നേതൃത്വം നൽകി.
അതേ ദിവസം തന്നെ ഈ വർഷത്തെ ജനറൽ ബോഡി യോഗവും നടന്നു. സംഘടനയുടെ ഭാവി പ്രവർത്തനങ്ങൾക്ക് ദിശനിർദ്ദേശം നൽകുന്ന യോഗത്തിൽ, ട്രസ്റ്റി ബോർഡ് ചെയർപഴ്സൻ സ്വപ്ന രാജേഷിന്റെയും ജോസഫ് ഇടിക്കുള, വിജേഷ് കാരാട്ട് തുടങ്ങിയവർ അംഗങ്ങളായ ഇലക്ഷൻ കമ്മീഷന്റെയും നേതൃത്വത്തിൽ 2026 വർഷത്തേക്കുള്ള പുതിയ കമ്മിറ്റി തിരഞ്ഞെടുപ്പ് നടത്തി. അംഗങ്ങളുടെ ഏകകണ്ഠ പിന്തുണയോടെ വിജയ് നമ്പ്യാർ പ്രസിഡന്റ്റായും, ജോർജി സാമുവൽ സെക്രട്ടറിയായും, കുർഷിദ് ബഷീർ ട്രഷററായും, ടോം നെറ്റിക്കാടൻ വൈസ് പ്രസിഡൻ്റായും തിരഞ്ഞെടുക്കപ്പെട്ടു.
Kerala Association of New Jersey organized Christmas celebration and general body meeting
