കേരളത്തിലെ പ്രത്യേക തീവ്രപരിശോധനാ രജിസ്ട്രേഷൻ (എസ്ഐആർ) പ്രക്രിയയിൽ എന്യുമറേഷൻ ഫോം സമർപ്പിക്കാനുള്ള അവസാന തീയതി ഡിസംബർ 18 വരെ നീട്ടി തെരഞ്ഞെടുപ്പ് കമ്മീഷൻ. സംസ്ഥാന സർക്കാർ ഉന്നയിച്ച ഒരാഴ്ച കൂടി അനുവദിക്കണമെന്ന ആവശ്യം അംഗീകരിച്ചാണ് കമ്മീഷൻ സമയപരിധി പുതുക്കിയത്. ഇതനുസരിച്ച് കരട് വോട്ടർപട്ടിക ഡിസംബർ 23-നും അന്തിമ വോട്ടർപട്ടിക 2025 ഫെബ്രുവരി 21-നും പ്രസിദ്ധീകരിക്കും.
സുപ്രീംകോടതിയുടെ നിർദേശപ്രകാരമാണ് തെരഞ്ഞെടുപ്പ് കമ്മീഷൻ ഈ ഇളവ് നൽകിയത്. എസ്ഐആർ നടപടികൾ തടയേണ്ടതില്ലെന്ന് വ്യക്തമാക്കിക്കൊണ്ട്, ഫോം സമർപ്പണ തീയതി അനുഭാവപൂർവം നീട്ടിനൽകാൻ കമ്മീഷനോട് ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് ആവശ്യപ്പെട്ടിരുന്നു. എന്നാൽ തദ്ദേശസ്വയംഭരണ തെരഞ്ഞെടുപ്പിനുള്ള ഉദ്യോഗസ്ഥരെ എസ്ഐആർ ജോലികൾക്ക് ഉപയോഗിക്കരുതെന്നും നിലവിലുള്ളതിനേക്കാൾ കൂടുതൽ സർക്കാർ ജീവനക്കാരെ നിയോഗിക്കരുതെന്നും കോടതി കർശന നിർദേശം നൽകി.
സംസ്ഥാന സർക്കാരിന്റെ അപേക്ഷ ലഭിച്ച് രണ്ട് ദിവസത്തിനകം തീരുമാനമെടുക്കണമെന്ന കോടതി നിർദേശം അനുസരിച്ച് വേഗത്തിൽ തീരുമാനമെടുത്ത തെരഞ്ഞെടുപ്പ് കമ്മീഷൻ, വോട്ടർപട്ടിക പുതുക്കൽ പ്രക്രിയയിൽ പൗരന്മാർക്ക് കൂടുതൽ സൗകര്യം ഒരുക്കുന്ന നിലയിലാണ് പുതിയ തീയതി പ്രഖ്യാപിച്ചിരിക്കുന്നത്.
