വാഷിങ്ടന്‍ : യുഎസിലെ ‘നോ കിങ്’ പ്രതിഷേധത്തില്‍ ട്രംപിനെ വിമര്‍ശിച്ച് ഇറാന്റെ പരമോന്നത നേതാവ് ആയത്തുള്ള അലി ഖമനയി. ട്രംപിന് കഴിവുണ്ടെങ്കില്‍ സമരങ്ങളെ നിയന്ത്രിക്കണമെന്ന തരത്തിലായിരുന്നു ഖമനയിയുടെ പ്രതികരണം.
നിങ്ങള്‍ക്ക് അത്ര കഴിവുണ്ടെങ്കില്‍, അവരെ ആദ്യം ശാന്തരാക്കുക. അവരെ വീടുകളിലേക്ക് തിരിച്ചയയ്ക്കുക, അതുവരെ മറ്റു രാജ്യങ്ങളുടെ കാര്യങ്ങളില്‍ ഇടപെടരുത്. ലോകത്ത് നിങ്ങള്‍ക്ക് എന്ത് നിലപാടാണ് ഉള്ളത്. ഇറാന് ആണവ ശേഷിയും ആണവ വ്യവസായവും ഉണ്ടോ ഇല്ലയോ എന്നത് എന്തിനാണ് യുഎസ് അന്വേഷിക്കുന്നത്”- ഖമനയി എക്സില്‍ കുറിച്ചു. വിവിധ യു.എസ് സംസ്ഥാനങ്ങളിലായി നടന്ന ‘നോ കിങ്’ പ്രതിഷേധങ്ങളുടെ ചിത്രം പങ്കുവെച്ചുകൊണ്ടായിരുന്നു ഈ വിമര്‍ശനം.
യുഎസിലുടനീളം വിവിധ സംസ്ഥാനങ്ങളിലായി എഴുപത് ലക്ഷത്തോളം ആളുകളാണ് ട്രംപിന്റെ നയങ്ങള്‍ക്കെതിരെ ‘നോ കിങ്’ പ്രതിഷേധവുമായി രംഗത്തുള്ളത്.
Khamenei criticizes Trump over ‘No King’ protests
