ഹോളിവുഡ് താരവും ബിസിനസ് വനിതയുമായ കിം കാർഡാഷ്യൻ കാലിഫോർണിയ ബാർ പരീക്ഷയിൽ വീണ്ടും പരാജയപ്പെട്ടതായി വെളിപ്പെടുത്തി. നിയമവിദ്യാഭ്യാസ രംഗത്തേക്കുള്ള അവരുടെ വർഷങ്ങളായ പരിശ്രമത്തിന് ഇത് വലിയ തിരിച്ചടിയാണ്. 2021-ൽ ‘ബേബി ബാർ’ എന്നറിയപ്പെടുന്ന ആദ്യവർഷ നിയമ വിദ്യാർത്ഥികളുടെ പരീക്ഷയിൽ അവർ വിജയിച്ചിരുന്നെങ്കിലും, ബാർ പരീക്ഷയിൽ വീണ്ടും പരാജയം നേരിടേണ്ടി വരികയായിരുന്നു.
കിം കാർഡാഷ്യൻ്റെ പരാജയം കാലിഫോർണിയയിലെ പരീക്ഷയുടെ കഠിനതയെയാണ് തെളിയിക്കുന്നത്. കാരണം ആദ്യ ശ്രമത്തിൽ വിജയിക്കുന്നവരുടെ നിരക്ക് അവിടെ 50% മാത്രമാണ്. എന്നിരുന്നാലും, കിം ഈ ഫലത്തിൽ നിരാശരായിട്ടില്ല. “ഞാൻ പിന്മാറില്ല, കൂടുതൽ പഠിക്കും.” എന്ന് ഇൻസ്റ്റാഗ്രാമിൽ പോസ്റ്റ് ചെയ്ത സന്ദേശത്തിൽ അവർ ഉറച്ച മനസോടെ വ്യക്തമാക്കി.
കിം കാർഡാഷ്യന്റെ ഈ നിയമയാത്രയ്ക്ക് പിന്നിൽ വ്യക്തിപരമായും കുടുംബപരമായും ഉള്ള ബന്ധമുണ്ട്. അവരുടെ പിതാവ് റോബർട്ട് കാർഡാഷ്യൻ സീനിയർ, ഒ.ജെ. സിംപ്സൺ കേസിലെ പ്രതിഭാഗ അഭിഭാഷകനായിരുന്നു. ക്രിമിനൽ ജസ്റ്റിസ് റീഫോം സംബന്ധിച്ച അവളുടെ ആകാംക്ഷയും പൊതുപ്രവർത്തനങ്ങളുമാണ് കിമ്മിനെ മുന്നോട്ട് കൊണ്ടുപോവുകയാണ്.
“ഞാൻ ഇപ്പോഴും അഭിഭാഷകയായിട്ടില്ല… പക്ഷേ ടി.വി.-യിൽ നല്ല വസ്ത്രധാരിയായ അഭിഭാഷകയായി അഭിനയിക്കുന്നു! ആറു വർഷമായി ഈ യാത്രയിൽ, വിജയിക്കുംവരെ തുടരും. ചുരുങ്ങിയ വഴികളില്ല, പിന്മാറ്റമില്ല — കൂടുതൽ പഠനം, കൂടുതൽ പ്രതിജ്ഞാബദ്ധത. “തോൽവി പരാജയം അല്ല, അതാണ് എനിക്ക് ഇന്ധനം” എന്നും പരീക്ഷാഫലത്തെ കുറിച്ച് പറഞ്ഞു.
കിം കാർഡാഷ്യന്റെ ഈ നിയമയാത്ര, പ്രശസ്തി ജീവിതത്തിനൊപ്പം ഗൗരവമുള്ള അക്കാദമിക് പഠനം എങ്ങനെ ഒത്തുചേരാമെന്ന് കാണിക്കുന്നതിന് ഉദാഹരണമാണ്. ബിസിനസും എന്റർടെയിൻമെന്റും കൈകാര്യം ചെയ്യുന്നതിനിടയിൽ നിയമവിദ്യാഭ്യാസം തുടരുന്ന അവരുടെ ശ്രമം വലിയ പ്രചോദനമാണ്. ഈ പരാജയം അവസാനമല്ലെന്ന് അവർ ഉറച്ച വിശ്വാസത്തിലാണ്. വിജയിക്കാൻ ഇനി കൂടുതൽ ഉത്സാഹത്തോടും ആത്മവിശ്വാസത്തോടും കൂടി കിം മുന്നോട്ട് പോകുകയാണ്.
Kim Kardashian Fails California Bar Exam Again, Says ‘No Giving Up’ In Instagram Motivation Post
