കൽപറ്റ: നാടിനെ വിറങ്ങലിപ്പിച്ച മുണ്ടക്കൈ- ചൂരൽമല ഉരുൾപ്പൊട്ടൽ ഉണ്ടായ വയനാട് മേപ്പാടി മുണ്ടക്കൈയിൽ വീണ്ടും ഉരുൾപൊട്ടലും ശക്തമായ മലവെള്ളപ്പാച്ചിലും. പ്രദേശത്ത് ആളപായമില്ല. നേരത്തെ ഉരുൾപൊട്ടലുണ്ടായ വെള്ളരിമലയിലാണ് ഉരുൾപൊട്ടിയതെന്നാണ് സൂചന. സേന ഉണ്ടാക്കിയ ബെയ്‌ലി പാലത്തിന് സമീപം നല്ല കുത്തൊഴുക്കുണ്ട്. വലിയ കല്ലുകളും ഒഴുകി വരികയാണ്. പ്രദേശത്ത് നിയന്ത്രണം ഏർപ്പെടുത്തി. ശക്തമായ മഴ പ്രദേശത്ത് തുടരുകയാണ്.
