ഇടുക്കി അടിമാലിക്കടുത്ത് കൂമന് പാറയില് മണ്ണിടിഞ്ഞ് വീണ് വീടിനുള്ളില് കുടുങ്ങിയ ദമ്പതികളെ പുറത്തെത്തിച്ചു. എന്ഡിആര്എഫും ഫയര്ഫോഴ്സും മണിക്കൂറുകള് നീണ്ട രക്ഷാപ്രവർത്തനത്തിനൊടുവിൽ ബിജുവിനെ പുറത്തെത്തിച്ചെങ്കിലും ജീവൻ രക്ഷിക്കാനായില്ല. ബിജുവിന്റെ ഭാര്യ സന്ധ്യയെ പുലര്ച്ചെ 03:10 ന് രക്ഷപ്പെടുത്തി വിദഗ്ധ ചികിത്സയ്ക്കായി രാജഗിരി ആശുപത്രിയിലേക്ക് മാറ്റി.
ഇന്നലെ രാത്രി പത്തരയോടെയാണ് ഇടുക്കി അടിമാലിയിലെ ലക്ഷം വീട് ഉന്നതിയിലെ ഇരുപതോളം വീടുകള്ക്കു മുകളിലേക്ക് മണ്ണിടിഞ്ഞത്. നാല്പത് അടിയോളം ഉയരമുള്ള മണ് തിട്ട ഇടിഞ്ഞതോടെ നിരവധി വീടുകള് മണ്ണിനടിയിലായി. ചില വീടുകളില് ആളുകളുണ്ടായിരുന്നു. ആദ്യമെത്തിയ നാട്ടുകാര് ഇവരെയെല്ലാം സുരക്ഷിതമായി മാറ്റി. എന്നാല് ബിജുവും സന്ധ്യയും കോണ്ക്രീറ്റ് സ്ലാബുകള്ക്കടിയില് പെട്ടുപോയി. ഇരുവരുടെയും കാലുകള് പരസ്പരം പിണഞ്ഞു കിടക്കുന്ന അവസ്ഥയിലായിരുന്നു. അവര്ക്കു മുകളിലേക്കാണ് കെട്ടിടത്തിന്റെ ബീം തകര്ന്നു വീണത്. കോണ്ക്രീറ്റ് പാളിക്കു താഴെയായി ഒരു അലമാരയും ഇവര്ക്കിടയില് കുടുങ്ങിക്കിടക്കുന്നുണ്ടായിരുന്നു.
അതേസമയം, അധികൃതർ മണ്ണിടിച്ചില് സാധ്യതയുള്ളതിനാല് മാറി താമസിക്കാൻ നേരത്തെ തന്നെ നിര്ദേശം നല്കി. എന്നാല് തങ്ങള് അടുത്തുള്ള കുടുംബ വീട്ടിലേക്ക് മാറാം എന്ന് അധികൃതരെ അറിയിച്ച് ബിജുവും സന്ധ്യയും അവിടെ തന്നെ തുടരുകയായിരുന്നു. രാത്രി മണ്ണിടിഞ്ഞതോടെ, കോണ്ക്രീറ്റ് മേല്ക്കൂര ഇവര്ക്ക് മുകളിലേക്ക് പതിക്കുകയും പൂര്ണമായി തകര്ന്ന വീടിന്റെ മേല്ക്കൂര രണ്ടായി പിളര്ന്നിരുകയും ചെയ്തിരുന്നു.
Landslide in Idukki Adimali; Couple finally rescued, husband Biju died, wife Sandhya shifted to Kochi for specialist treatment
