ന്യൂഡല്ഹി : യെമന് പൗരന്റെ കൊലപാതവുമായി ബന്ധപ്പെട്ട് ജയിലില് കഴിയുന്ന നിമിഷപ്രിയയുടെ മോചനത്തിനായി അവസാനവട്ട ശ്രമങ്ങള് വേഗത്തിലാക്കുന്നു. നിമിഷ പ്രിയയുടെ വധശിക്ഷ ഈ മാസം 16ന് നടപ്പാക്കും എന്നാണ് വിവരം. മോചനവുമായി ബന്ധപ്പെട്ട ഹര്ജി ഇന്ന് സുപ്രീംകോടതി പരിഗണിക്കും. ജസ്റ്റിസ് വിക്രം നാഥ് അധ്യക്ഷനായ ബെഞ്ചിന് മുമ്പാകെയാണ് ഹര്ജി എത്തുന്നത്.
ശിക്ഷ മരവിപ്പിക്കാനും നിമിഷ പ്രിയയെ മോചിപ്പിക്കാനും കേന്ദ്രസര്ക്കാര് ഇടപെടല് തേടി ആക്ഷന് കൗണ്സിലിന് ആയി അഭിഭാഷകന് കെ ആര് സുഭാഷ് ചന്ദ്രന് ആണ് ഹര്ജി നല്കിയിരിക്കുന്നത്. ഹര്ജിയില് കേന്ദ്രസര്ക്കാര് വക്കാലത്ത് ഫയല് ചെയ്തിട്ടുണ്ട്.
അതേസമയം, നിമിഷപ്രിയയുടെ മോചനത്തിന് പ്രധാനമന്ത്രി ഇടപെടണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് കത്തയച്ചു. ഒപ്പം വിദേശകാര്യ മന്ത്രി ജയശങ്കറിനും അടിയന്തര ഇടപെടല് നടത്തണമെന്ന് ആവശ്യപ്പെട്ട് മുഖ്യമന്ത്രി കത്ത് നല്കിയിട്ടുണ്ട്.
