ഡാലസ്: ലിറ്റററി അസോസിയേഷൻ ഓഫ് നോർത്ത് അമേരിക്കയുടെ ( ലാന) ദ്വൈവാർഷിക ത്രിദിന സമ്മേളനം ഡാലസിൽ ഒക്ടോബർ 31 മുതൽ നവംബർ രണ്ട് വരെ നടക്കുന്നു. ഡാലസിലെ എം.എസ്.ടി./തെക്കേമുറി നഗറിലാണ് സമ്മേളനം. പരിപാടിയിൽ പ്രശസ്‌ത പ്രഭാഷകനും എഴുത്തുകാരനുമായ സുനിൽ പി. ഇളയിടം സമ്മേളനത്തിന്റെ മുഖ്യാതിഥിയാകും.
ഡോ. എം. വി. പിള്ള, നിരൂപകൻ സജി എബ്രഹാം തുടങ്ങിയ പ്രമുഖ വ്യക്തിത്വങ്ങളും ചടങ്ങിൽ പ്രധാന അതിഥികളാകും. സാംസ്‌കാരിക-സാഹിത്യ മേഖലകളിലെ പ്രമുഖരെ പങ്കെടുപ്പിച്ചുകൊണ്ട് നോർത്ത് അമേരിക്കയിലെ നടക്കുന്ന ഈസാഹിത്യ ത്രിദിന സമ്മേളനം ഏവർക്കും പുതിയ അനുഭവമാകുമെന്ന് സംഘാടകർ അറിയിച്ചു.
നിലവിൽ ലാനയുടെ പ്രസിഡൻ്റ് ശങ്കർ മന (ടെനിസി) ആണ് . സാമുവൽ പനവേലി (ടെക്സസ്) സെക്രട്ടറിയായും, ഷിബു പിള്ള (ടെനിസി) ട്രഷററായും, മാലിനി (ന്യൂയോർക്ക്), ജോൺ കൊടിയൻ (കലിഫോർണിയ), ഹരിദാസ് തങ്കപ്പൻ (ഡാലസ്) എന്നിവരുടെ ഭാരവാഹിത്വത്തിലാണ് സംഘടന മുന്നോട്ട് പോകുന്നത്. മുൻകാലങ്ങളിൽ ലാനയുടെ പ്രസിഡന്റുമാരായി സംഘടനയെ നയിച്ചത് കേരള ലിറ്റററി സൊസൈറ്റി, ഡാലസ് ഭാരവാഹികളായ എം.എസ്.ടി. നമ്പൂതിരി, എബ്രഹാം തെക്കേമുറി, എബ്രഹാം തോമസ്, ജോസഫ് നമ്പിമഠം തുടങ്ങിയവരാണ്.
Literary Association of North America’s three-day conference in Dallas begins on the 31st; Sunil P. Ilayidom will be the chief guest
