കണ്ണൂര്: കുവൈത്തിലെ വിഷമദ്യ ദുരന്തത്തിൽ കണ്ണൂര് സ്വദേശിയായ യുവാവിനും ജീവൻ നഷ്ടമായി. കണ്ണൂര് ഇരിണാവ് സ്വദേശി പി സച്ചിന് (31) ആണ് മരിച്ചത്. സച്ചിൻ മരിച്ചതായി കുടുംബാംഗങ്ങള്ക്ക് വിവരം ലഭിച്ചു. കുവൈത്തിലടക്കം സന്നദ്ധ പ്രവര്ത്തനങ്ങളിൽ സജീവമായിരുന്ന സച്ചിൻ നാട്ടിലും സാമൂഹിക പ്രവര്ത്തനങ്ങളിലടക്കം സജീമായിരുന്നു. അതേസമയം വിഷമദ്യ ദുരന്തത്തിൽ 40 ഇന്ത്യക്കാര് ചികിത്സയിലുള്ളതായി ഇന്ത്യൻ എംബസി സ്ഥിരീകരിച്ചു.
ചികിത്സയിലുള്ളവരിൽ മലയാളികളും ഉണ്ടെന്ന സൂചനയും പുറത്തുവന്നിരുന്നു. ചിലര് ഗുരുതരാവസ്ഥയിലാണെന്നും മറ്റു ചിലര് സുഖം പ്രാപിച്ച് വരുന്നതായും ഇന്ത്യൻ എംബസി പുറത്തുവിട്ട റിപ്പോര്ട്ടിൽ പറയുന്നു. കഴിഞ്ഞ ഞായറാഴ്ച മുതൽ ഇതുവരെയായി 13 പേർ മരിച്ചതായാണ് അനൗദ്യോഗിക വിവരം. ചികിത്സയിലുള്ളവരിൽ കൂടുതൽ പേരും മലയാളികളാണെന്നും സൂചനയുണ്ട്.വിഷമദ്യദുരന്തത്തിൽപ്പെട്ട് ആകെ 63 പേരാണ് ചികിത്സയിലുള്ളത്. ഇവരെല്ലാം ഏഷ്യൻ രാജ്യങ്ങളിൽ നിന്നുള്ളവരാണ്.
31 പേര് വെന്റിലേറ്ററിലാണ്. 51 പേര്ക്ക് അടിയന്തിര ഡയാലിസിസ് പൂര്ത്തിയാക്കിയതായും അനൗദ്യോഗിക റിപ്പോര്ട്ടുണ്ട്. ഇതിൽ 21 പേര്ക്കെങ്കിൽ അന്ധതയോ കാഴ്ചക്കുറവോ ബാധിച്ചതായും റിപ്പോര്ട്ടുണ്ട്. മരിച്ചവരിൽ കൂടുതൽ മലയാളികൾ ഉണ്ടെന്നുള്ളതാണ് ഔദ്യോഗികമായി സ്ഥിരീകരിക്കാത്ത റിപ്പോര്ട്ട്. ആന്ധ്ര, തമിഴ്നാട്, ഉത്തര്പ്രദേശ് എന്നിവിടങ്ങളിൽ നിന്നുള്ള തൊഴിലാളികളും മരിച്ച ഇന്ത്യക്കാരിൽ ഉൾപ്പെടുന്നതായി റിപ്പോര്ട്ടുകളിൽ പറയുന്നു. സംഭവവുമായി ബന്ധപ്പെട്ട വിവരങ്ങൾക്കായി കൂടുതൽ വിവരങ്ങൾക്ക് : +965 6550158
