ജയ്പൂര്‍ : രാജസ്ഥാനിലെ ജയ്പൂരിലുള്ള സവായ് മാന്‍ സിങ് ആശുപത്രിയില്‍ വന്‍ അഗ്നിബാധ. ആറുപേര്‍ മരിച്ചതായി റിപ്പോര്‍ട്ട്. ഐസിയുവില്‍ ചികിത്സയിലായിരുന്ന ആറ് പേരാണ് മരിച്ചതെന്നാണ് പ്രാഥമിക റിപ്പോര്‍ട്ടുകള്‍. നാല് പുരുഷന്മാരും രണ്ട് സ്ത്രീകളുമാണ് മരിച്ചത്. തിങ്കളാഴ്ച പുലര്‍ച്ചെയാണ് ആശുപത്രിയിലെ ഐസിയു വാര്‍ഡില്‍ തീപിടിത്തമുണ്ടായത്.
ഷോര്‍ട്ട് സര്‍ക്യൂട്ട് ഉണ്ടായതാണ് ട്രോമ ഐസിയുവില്‍ തീപിടിത്തത്തിന് കാരണമായതെന്നാണ് വിവരം. അപകട സമയത്ത് ട്രോമ ഐസിയുവില്‍ 11 രോഗികള്‍ ഉണ്ടായിരുന്നു. തീ അതിവേഗം പടരുകയും വിഷവാതകങ്ങള്‍ പുറന്തള്ളുകയും ചെയ്തു. തീപിടിത്തം ഉണ്ടായ സമയത്ത് ഐസിയുവില്‍ ഉണ്ടായിരുന്ന മിക്ക രോഗികളും അബോധാവസ്ഥയിലായിരുന്നുവെന്നും അഞ്ച് രോഗികളുടെ നില ഗുരുതരമായി തുടരുകയാണെന്നുമാണ് വിവരം.
#WATCH | Jaipur, Rajasthan | A massive fire broke out in an ICU ward of Sawai Man Singh (SMS) Hospital, claiming the lives of six patients pic.twitter.com/CBM6vcTMfZ
— ANI (@ANI) October 5, 2025
